उपवासाच्या दिवशी काही तरी वेगळं खायचं असेल तर १५ मिनिटांमध्ये बनवा वरीच्या तांदळाचा ढोकळा, पचायला हलका आणि पौष्टिक

उपवासाच्या दिवशी पचनास जड असलेले पदार्थ अजिबात खाऊ नये. यामुळे ऍसिडिटी वाढण्याची शक्यता असते. म्हणूनच आज आम्ही तुम्हाला झटपट तयार होणारा वरीचा ढोकळा बनवण्याची रेसिपी सांगणार आहोत.

श्रावण महिना सणांचा महिना म्हणून ओळखला जातो. या महिन्यात येणाऱ्या प्रत्येक सणाला विशेष महत्व आहे. श्रावण केलेला उपवास धार्मिकदृष्ट्या खूप महत्वपूर्ण मानला जातो. त्यामुळे उपवासाच्या दिवशी वेगवेगळे पदार्थ बनवले जातात. उपवासाच्या दिवशी कायमच साबुदाणा खाण्याऐवजी वेगवेगळे पदार्थ बनवून खावेत. आज आम्ही तुम्हाला वरीचे तांदूळ आणि साबुदाण्याचा वापर करून ढोकळा बनवण्याची सोपी रेसिपी सांगणार आहोत. या पद्धतीने बनवलेला ढोकळा चवीला अतिशय सुंदर लागतो आणि शरीराला सुद्धा सहज पचन होतो. वरीचे तांदूळ, हिरवी मिरची आणि दह्याचा वापर करून बनवलेला ढोकळा चवीला अतिशय सुंदर लागतो. हा पदार्थ केवळ उपवासाच्या दिवशी नाहीतर इतरवेळी सुद्धा खाऊ शकता. यामुळे पोट भरलेले राहते आणि लवकर भूक लागत नाही. उपवासाच्या दिवशी सकाळच्या नाश्त्यात सहज पचन होणाऱ्या आणि हेल्दी पदार्थांचे सेवन करावे. चला तर जाणून घेऊया रेसिपी.(फोटो सौजन्य – pinterest)

Zunka Recipe : रात्रीच्या जेवणाला बनवा झणझणीत गावराण स्टाईल झुणका, चव अशी की तोंडाला येईल पाणी

साहित्य:

• साबुदाणा
• वरीचे तांदूळ
• दही
• पाणी
• मीठ
• आलं
• इनो
• जिरं
• तेल

नेहमीच्या साबुदाणा खिरीला द्या ब्रेक! उपवासाच्या दिवशी बनवा पौष्टिक राजगिऱ्याची खीर, नोट करून घ्या रेसिपी

कृती:

• उपवासाचा जाळीदार ढोकळा बनवण्यासाठी सर्वप्रथम, मिक्सरच्या भांड्यात वरीचे तांदूळ आणि साबुदाणे एकत्र करून बारीक वाटून घ्या.
• वाटीमध्ये तयार केलेले मिश्रण ओतून त्यात गरजेनुसार पाणी आणि दही मिक्स करा. चमच्याने सर्व साहित्य व्यवस्थित मिक्स करून झाल्यानंतर काहीवेळ झाकण मारून तसेच ठेवा.
• त्यानंतर काहीवेळाने मिश्रणात आलं, मिरचीची बारीक पेस्ट घालून मिक्स करा. सगळ्यात शेवटी चवीनुसार मीठ आणि इनो घालून मिक्स करून घ्या.
• ताटाला किंवा ढोकळ्याच्या भांड्याला तेल लावून घ्या. त्यानंतर त्यात मिश्रण ओतून १० ते २० मिनिटे व्यवस्थित वाफवून घ्या.
• फोडणीच्या वाटीमध्ये तेल गरम करून त्यात हिरव्या मिरच्या, कडीपत्ता, जिरे, कोथिंबीर घालून गरम करा आणि तयार केलेल्या ढोकळ्यावर ओतून मध्यम आकारात तुकडे करा.
• तयार आहे वरीच्या तांदळाचा वापर करून बनवलेला जाळीदार खमंग ढोकळा.