मधुमेहाच्या रुग्णांसाठी उत्तम पदार्थ! साखरेचा अजिबात वापर न करता झटपट बनवा चविष्ट चिकूचा शिरा, नोट करून घ्या रेसिपी

आज आम्ही तुम्हाला सोप्या पद्धतीमध्ये चिकूचा शिरा बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या चिकू शिरा बनवण्याची रेसिपी.

गोड पदार्थ खायला सगळ्यांचं खूप जास्त आवडतात. रव्याचा शिरा, शेवयांची खीर, गुलाबजाम, रबडी इत्यादी ठराविक पदार्थ आवडीने खाल्ले जातात. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला साखरेचा वापर न करता चिकूचा शिरा बनवण्याची सोपी रेसिपी सांगणार आहोत. उन्हाळ्यासह इतर सर्वच ऋतूंमध्ये बाजारात चिकू उपलब्ध असतात. यामध्ये फायबर, जीवनसत्त्वे आणि आवश्यक खनिजे आढळून येतात. याशिवाय कॅल्शियम, लोह, पोटॅशियम इत्यादी गुणधर्मांनी समृद्ध असलेले चिकू हे फळ शरीरासाठी आवश्यक आहे. चिकूमध्ये कॅल्शियम, फॉस्फरस आणि लोह इत्यादी अनेक घटक हाडांची ताकद वाढवण्यास मदत करतात. वजन नियंत्रणात ठेवण्यासाठी चिकूचे सेवन केले जाते. चला तर जाणून घेऊया चिकूचा शिरा बनवण्याची सोपी रेसिपी.(फोटो सौजन्य – AI)

नेहमीच्या चाॅकलेट केकला विसरा, यंदा घरी बनवा हेल्दी, फ्रेश आणि चविष्ट असा ‘फ्रुट केक’, रेसिपी आहे फार सोपी

साहित्य:

• चिकू
• रवा
• तूप
• सुका मेवा
• वेलची पावडर
• जायफळ पावडर
• दूध
• पाणी
• गूळ

आंबट पदार्थ खायला आवडतात? मग १० मिनिटांमध्ये झटपट बनवा आंबट तिखट कैरी टोमॅटोची चटणी, भाकरीसोबत लागेल चविष्ट

कृती:

• चिकूचा शिरा बनवण्यासाठी सर्वप्रथम, चिकूची साल आणि बिया काढून बारीक तुकडे करा आणि अर्धा चिकू मॅश करून घ्या.
• कढईमध्ये तूप गरम करून त्यात रवा घालून मंद आचेवर लालसर होईपर्यंत भाजा. रवा कायमच मंद आचेवर भाजावा.
• भाजून घेतलेला रवा ताटात काढून घ्या. त्यानंतर कढईमध्ये तूप घालून त्यात चिकूचा मॅश करून घेतलेला गर घालून मिक्स करा.
• त्यानंतर भाजलेला चिकूचा गर काढून घ्या. कढईमध्ये भाजलेला रवा घालून त्यात उकळवून घेतलेले दूध घालून रवा मंद आचेवर शिजवा.
• त्यानंतर त्यात चिकूचा गर घालून मिक्स करा. तयार केलेल्या शिऱ्यात आवश्यकतेनुसार गूळ घालून व्यवस्थित मिक्स करा.
• गूळ रव्यात पूर्णपणे मिक्स झाल्यानंतर त्यात भाजलेला सुका मेवा, वेलची पावडर आणि जायफळ पावडर घालून मिक्स करा.,
• सगळ्यात शेवटी चिकूचे बारीक बारीक तुकडे घालून मिक्स करून घ्या.
• तयार आहे सोप्या पद्धतीमध्ये बनवलेला चविष्ट चिकूचा शिरा.