जेवणाला येईल खमंग चव! मराठवाडी पद्धतीमध्ये झटपट बनवा खोबरं- लसूण चटणी, नोट करून घ्या रेसिपी

चपाती, भाकरीसोबत चटणी अतिशय सुंदर लागते. म्हणूनच आज आम्ही तुम्हाला मराठवाडा पद्धतीमध्ये खोबर लसूण चटणी बनवण्याची सोपी रेसिपी सांगणार आहोत. या पद्धतीने बनवलेली चटणी आठवडाभर टिकून राहील.

जेवणाच्या ताटात भात, डाळ, भाजी, चपाती सोबत लोणचं, चटणी किंवा इतर पदार्थ खाण्यास दिले जाते. जेवणात तोंडात लावण्यासाठी जर चटणी असेल तर जेवणात चार घास जास्त खाल्ले जातात. चिंच चटणी, कोथिंबीर चटणी, पुदिन्याची चटणी, खोबऱ्याची चटणी, शेंगदाण्याची चटणी इत्यादी अनेक वेगवेगळ्या पदार्थांपासून बनवलेल्या चटण्या तुम्ही खाल्ल्या असतील. मात्र आज आम्ही तुम्हाला सोप्या पद्धतीमध्ये मराठवाड्यातील पारंपरिक पद्धतीमध्ये खोबर लसूण चटणी बनवण्याची सोपी रेसिपी सांगणार आहोत. खोबर लसूण चटणी तुम्ही चपाती, भाकरी किंवा भातासोबत सुद्धा खाऊ शकता. खोबर लसूण चटणी चवीसाठीच नाहीतर आरोग्यसुद्धा अतिशय पौष्टिक आहे. नियमित खोबऱ्याचा एक तुकडा चावून खाल्यास शरीराची पचनक्रिया निरोगी राहील. चला तर जाणून घेऊया खोबरं लसूण चटणी बनवण्याची सोपी कृती.(फोटो सौजन्य – iStock)

सकाळच्या नाश्त्यात कोकणातील पारंपरिक पद्धतीमध्ये बनवा काकडीची भाकरी, उद्भवणार नाही पचनाची समस्या

साहित्य:

• खोबऱ्याचे तुकडे
• लसूण
• मीठ
• जिरं
• लाल मिरच्या
• तेल

कधीच उद्भवणार नाही पचनाची समस्या! रोजच्या आहारात करा पुदिना ताकाचे सेवन, शरीर राहील फ्रेश

कृती:

• खोबरं लसूण चटणी बनवण्यासाठी सर्वप्रथम, कढईमध्ये तेल गरम करून त्यात खोबऱ्याचे तुकडे हलके लाल होईपर्यंत भाजून घ्या.
• त्यानंतर पुन्हा एकदा कढईमध्ये थोडस तेल टाकून लाल मिरच्या आणि लसूण पाकळ्या भाजा.
• भाजून घेतलेलं खोबर, लाल मिरच्या आणि लसूण पाकळ्या थंड झाल्यानंतर मिक्सरच्या भांड्यात भरून ठेवा.
• मिक्सरमधून बारीक वाटून घ्या. त्यानंतर त्यात अर्धा चमचा जिरं आणि थोडस तेल टाकून पुन्हा एकदा बारीक वाटा.
• वाटून घेतलेली चटणी वाटीमध्ये घेऊन मिक्स करा. तयार आहे सोप्या पद्धतीमध्ये बनवलेली खोबरं लसूण चटणी.