सकाळच्या नाश्त्यासाठी हेल्दी पर्याय! १० मिनिटांमध्ये झटपट बनवा कुरकुरीत ब्रेड बेसन टोस्ट, नोट करा रेसिपी

सकाळच्या नाश्त्यात कायमच तेच ठराविक पदार्थ खाऊन कंटाळा आल्यानंतर तुम्ही सोप्या पद्धतीमध्ये ब्रेड बेसन टोस्ट बनवू शकता. हा पदार्थ घाईच्या वेळी झटपट बनवण्यासाठी अतिशय उत्तम पर्याय आहे.

सकाळी पोटभर नाश्ता करणे ही शरीरासाठी आरोग्यदायी सवय आहे. कारण सकाळी पोटभर नष्ट केल्यास पोट दीर्घकाळ भरलेले राहते आणि शरीराला भरमसाट फायदे होतात. पण नेहमीच नाश्त्यात काय खावे? असे अनेक प्रश्न सगळ्यांचं कायमच पडतात. कांदापोहे, ब्रेड बटर, जॅम ब्रेड, शिरा, उपमा किंवा साऊथ इंडियन पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीत ब्रेड बेसन टोस्ट बनवू शकता. हा पदार्थ कमीत कमी साहित्यात आणि कमी वेळात झटपट तयार होतो. बेसनामध्ये प्रथिने आणि फायबर भरपूर प्रमाणात आढळून येतात. सकाळच्या नाश्त्यापासून ते अगदी रात्रीच्या जेवणापर्यंत आहारात फायबर असलेल्या पौष्टिक पदार्थांचे कायमच सेवन करावे. फायबरयुक्त पदार्थ शरीरासाठी अतिशय प्रभावी ठरतात. चला तर जाणून घेऊया ब्रेड बेसन टोस्ट बनवण्याची सोपी रेसिपी.(फोटो सौजन्य – pinterest)

आरोग्याची चिंता सोडा आवडीने मुलांना खाऊ घाला गव्हाच्या पिठाचा चविष्ट पिझ्झा; रेसिपी नोट करा

साहित्य:

• बेसन
• ब्रेड
• मीठ
• तेल
• कांदा
• टोमॅटो
• हिरवी मिरची
• कोथिंबीर
• हळद
• लाल तिखट

तोच ठराविक ढोकळा खाऊन कंटाळा आला आहे? मग सोप्या पद्धतीमध्ये बनवा चविष्ट पोह्यांचा ढोकळा, नोट करा रेसिपी

कृती:

• ब्रेड बेसन टोस्ट बनवण्यासाठी सर्वप्रथम, मोठ्या वाटीमध्ये बेसन घेऊन त्यात चवीनुसार मीठ, लाल तिखट आणि हळद मिक्स करून घ्या.
• त्यानंतर त्यात बारीक चिरलेला कांदा, टोमॅटो, हिरवी मिरची आणि कोथिंबीर घालून व्यवस्थित मिक्स करा.
• तयार केलेल्या मिश्रणात आवश्यकतेनुसार पाणी घालावे. जास्त पाणी घालू नये.
• तयार केलेल्या बेसनाच्या मिश्रणात ब्रेड घोळवून गरम तव्यावर भाजण्यासाठी सोडा. दोन्ही बाजूने व्यवस्थित कुरकुरीत झाल्यानंतर टोस्ट काढून घ्या.
• तयार आहे सोप्या पद्धतीमध्ये बनवलेला ब्रेड बेसन टोस्ट. हा पदार्थ सॉस किंवा हिरव्या चटणीसोबत अतिशय सुंदर लागेल.