Dahi Mirchi Recipe: जेवणात ठराविक भाज्या खाऊन कंटाळा आला? मग तोंडी लावण्यासाठी झटपट बनवा खमंग चटपटीत दही मिरची

जेवणाच्या ताटात नेहमीच त्याच ठराविक भाज्या खाऊन कंटाळा आल्यानंतर झटपट तुम्ही दही मिरची बनवू शकता. हा पदार्थ सगळ्यांचं खायला खूप जास्त आवडेल आणि चव सुद्धा भारी लागेल.

जेवणाच्या ताटात प्रत्येकाला काहींना काही चमचमीत पदार्थ खाण्यास हवे असतात. नेहमीच त्याच ठराविक भाज्या खाऊन कंटाळा आल्यानंतर काहींना काही झणझणीत खाण्याची इच्छा सगळ्यांचं होते. अशावेळी कोणताही विकतचा पदार्थ खाण्याऐवजी झटपट तुम्ही खमंग चटपटीत दही मिरची बनवू शकता. दह्याचा आंबटपणा आणि तिखट मिरची चवीला अतिशय भारी लागते. रोजच्या साध्या जेवणाची चव वाढवण्यासाठी दही मिरची हा पदार्थ अतिशय उत्तम आहे. कमीत कमी साहित्यात आणि कमी वेळात तयार होणारा पदार्थ डब्यासाठी सुद्धा बनवू शकता. घरातील सगळ्यांचं कायमच चटपटीत चवीचे पदार्थ खायला हवे असतात. पण नेहमीच कामाच्या धावपळीमध्ये पदार्थ बनवण्यासाठी जास्तीचा वेळ मिळत नाही. अशावेळी तुम्ही दही मिरची बनवू शकता. पारंपरिक चवीची दही मिरची खाल्ल्यानंतर घरातील सगळेच तुमचे कौतुक करतील. दही मिरची तुम्ही गरमागरम भाकरी किंवा वाफाळत्या भातासोबत सुद्धा खाऊ शकता. चला तर जाणून घेऊया दही मिरची बनवण्याची सोपी रेसिपी.(फोटो सौजन्य – pinterest)

Rava Cutlet: नाश्त्यासाठी झटपट बनवा रव्याचे कुरकुरीत कटलेट, नोट करा सोपी रेसिपी

साहित्य:

• दही
• मिरची
• तेल
• मोहरी
• हिंग
• लाल तिखट
• हळद
• गरम मसाला
• बडीशेप
• धणे
• आमचूर पावडर

तोंडात विरघळणारे स्वादिष्ट डेझर्ट! लालचुटुक स्ट्रॉबेरीपासून घरीच बनवा खमंग हलवा, नोट करून घ्या झटपट होणारी रेसिपी

कृती:

• चटपटीत दही मिरची बनवण्यासाठी सर्वप्रथम, मोठ्या पोपटी रंगाच्या मिरच्या काहीवेळ पाण्यात भिजत ठेवा. त्यानंतर त्यातील बिया काढून घ्या.
• सुरीच्या सहाय्याने मिरचीला एक चीर मारून घ्या. यामुळे मिरचीच्या आतमध्ये मसाले व्यवस्थित बसतील.
  खलबत्त्यामध्ये जिरे, मिरी, बडीशेप आणि अखे धणे टाकून बारीक वाटून घ्या. जास्त जाडसर पावडर करू नये.
• कढईमध्ये तेल गरम करून त्यात हिंग, मोहरी, चिरलेल्या मिरच्या टाकून मध्यम आचेवर छान परतून घ्या. मिरच्यांना एक वाफ आल्यानंतर खलबत्त्यात कुटलेली मसाल्याची भरड घालून मिक्स करा.
• त्यानंतर त्यात लाल तिखट, हळद, आमचूर पावडर आणि चवीनुसार मीठ घालून व्यवस्थित मिक्स करा. सर्व मसाले व्यवस्थित मिक्स झाल्यानंतर झाकण ठेवून एक वाफ काढून घ्या.
• गॅस पूर्णपणे मंद आचेवर ठेवून त्यात फेटलेले दही घालून व्यवस्थित मिक्स करा आणि झाकण ठेवून एक वाफ काढून मिक्स करा.
• तयार आहेत सोप्या पद्धतीमध्ये बनवलेल्या चटपटीत दही मिरच्या.