पावसाळ्यातील थंडगार वातावरणात प्या गरमागरम शेवगा-दुधीचे सूप; सर्दी खोकल्यापासून मिळेल आराम, राहाल कायमच फ्रेश

पावसाळ्याच्या दिवसांमध्ये आजारपण वाढू लागते. अशावेळी गरमागरम दुधी भोपळा आणि शेवग्याच्या शेंगांचे सूप बनवून प्यावे. हे सूप प्यायल्यामुळे रोगप्रतिकारशक्ती सुधारते. चला तर जाणून घेऊया दुधी शेवग्याचे सूप बनवण्याची सोपी रेसिपी.

पावसाळा ऋतूला सुरुवात झाल्यानंतर आरोग्याची काळजी घेणे फार आवश्यक आहे. कारण सतत पडणाऱ्या पावसात भिजल्यामुळे किंवा दूषित पाण्याच्या सेवनामुळे पोटाचे विकार आणि साथीच्या आजारांची शरीराला लागण होण्याची जास्त शक्यता असते. सर्दी, खोकला, ताप किंवा डेंग्यू, मलेरियासारख्या गंभीर आजारांची लागण झाल्यानंतर आरोग्य पूर्णपणे बिघडून जाते. साथीच्या आजारांची लागण झाल्यामुळे शरीराची रोगप्रतिकारशक्ती कमकुवत होऊन जाते आणि थकवा, अशक्तपणा वाढू लागतो. त्यामुळे आजारी पडल्यानंतर आहारात सहज पचन होणाऱ्या पौष्टिक पदार्थांचे सेवन करणे फार आवश्यक आहे. आज आम्ही तुम्हाला थंडगार वातावरणात गरमागरम शेवगा-दुधीचे सूप बनवण्याची सोपी रेसिपी सांगणार आहोत. या पद्धतीने बनवलेले गरमागरम शेवगा-दुधीचे सूप शरीरात उष्णता निर्माण करेल आणि आरोग्य सुधारण्यास मदत करेल. महिलांच्या शरीरासाठी शेवग्याच्या शेंगा वरदान ठरतात. यामध्ये असलेले आवश्यक फायबर, कॅल्शियम आणि विटामिन आरोग्य सुधारतात आणि थकवा, अशक्तपणा कमी करतात. सूप प्यायल्यामुळे घशात वाढलेली खवखव आणि वेदना कमी होण्यास मदत होते. चला तर जाणून घेऊया गरमागरम शेवगा-दुधीचे सूप बनवण्याची सोपी रेसिपी.(फोटो सौजन्य – istock)

Ashadhi Ekadashi 2026 : आषाढी-एकादशीच्या उपवासाला घरी बनवा मखान्यांचा कुरकुरीत डोसा, रेसिपी आहे फार क्वीक

साहित्य:

• दुधी भोपळा
• शेवग्याच्या शेंगा
• काळीमिरी पावडर
• मीठ
• लसूण
• कोथिंबीर
• हिरवी मिरची
• जिरं
• मुगडाळ

Recipe: पावसाळ्यात बनवा हेल्दी टेस्टी मक्याच्या दाण्यांचे चाट, चमचमीत पदार्थाने करा पावसाचे सेलिब्रेशन

कृती:

• शेवगा-दुधीचे सूप बनवण्यासाठी सर्वप्रथम, दुधी भोपळा बारीक चिरून घ्या. शेवग्याच्या शेंगा सोलून घ्या.
• टोपात पाणी गरम करण्यासाठी ठेवा. पाण्याला उकळी आल्यानंतर त्यात दुधी भोपळा, लसूण, आलं, मुगडाळ, शेवग्याच्या शेंगा घालून मिक्स करा आणि पाण्याला उकळी काढा.
• पाण्याला व्यवस्थित उकळी आल्यानंतर त्यातील शेंगा काढून त्यातील गर वेगळा काढून घ्या.
• शिजलेल्या भाज्या थंड झाल्यानंतर मिक्सरच्या भांड्यात टाकून बारीक पेस्ट तयार करा. तयार केलेल्या पेस्टमध्ये शेवग्याच्या शेंगांचे मिश्रण घालून मिक्स करा.
• तयार केलेल्या मिश्रणात काळीमिरी पावडर, जिऱ्याची पावडर, हिरवी मिरची घालून आवश्यकतेनुसार पाणी घालून मिक्स करा.
• सूपला एक उकळी आल्यानंतर वरून त्यात कोथिंबीर घालून व्यवस्थित मिक्स करा.
• तयार आहे सोप्या पद्धतीमध्ये बनवलेले शेवगा-दुधीचे सूप. हे सूप सकाळच्या नाश्त्यात किंवा आजारी पडल्यानंतर तुम्ही पिऊ शकता.