दुधी पाहून मुलं नाक मुरडतात? मग नाश्त्यासाठी सोप्या पद्धतीमध्ये बनवा चवदार दुधीचे थालीपीठ

सकाळच्या नाश्त्यात लहान मुलांसह मोठ्यांसाठी बनवा दुधीचे थालीपीठ. थालीपीठ बनवण्यासाठी जास्त वेळ लागत नाही. शिवाय थालीपीठ हा पदार्थ घरातील सगळ्यांचं खूप आवडतो. चला तर जाणून घेऊया थालीपीठ बनवण्याची सोपी रेसिपी.

लहान मुलांसह मोठ्यांसुद्धा दुधी भोपळ्याची भाजी खायला आवडत नाही. दुधीची भाजी पहिली की अनेक मुलं नाक मुरडतात. पण आरोग्यासाठी दुधीची भाजी अतिशय पौष्टिक आणि गुणकारी आहे. अशावेळी तुम्ही मुलांना सकाळच्या नाश्त्यात दुधीचे थालीपीठ बनवून देऊ शकता. दुधीचे थालीपीठ बनवण्यासाठी जास्त वेळ लागत नाही. कमीत कमी वेळात दुधीचे थालीपीठ तयार होतात. सकाळच्या वेळी घरी बनवलेला पौष्टिक आणि चवदार नाश्ता करणे ही आरोग्यदायी सवय आहे. नाश्ता केल्यामुळे पोट दीर्घकाळ भरलेले राहते. पण अनेक लोक कामाच्या घाईगडबडीमध्ये सकाळचा नाश्ता करणे टाळतात. पण असे केल्यामुळे आरोग्यासंबंधित गंभीर आजार होण्याची शक्यता असते. त्यामुळे आज आम्ही तुम्हाला सोप्या पद्धतीमध्ये दुधीचे थालीपीठ बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• दुधी
• ज्वारीचे पीठ
• बाजरीचे पीठ
• बेसन
• तांदळाचे पीठ
• ओट्स पीठ
• आलं लसूण पेस्ट
• चिरलेला कांदा
• कोथिंबीर
• जिरेपूड
• हळद
• मीठ
• तीळ

नवनवीन रेसिपीसाठी इथे क्लिक करा

कृती:

• दुधीचे थालीपीठ बनवण्यासाठी सर्वप्रथम, दुधी स्वच्छ धुवून साल काढून बारीक किसून घ्या. किसून झाल्यानंतर दूधीला पाणी सुटेल.
• मोठं ताट घेऊन त्यात किसून घेतलेला दुधी, तांदळाचे पीठ, ज्वारीचे पीठ, बाजरीचे पीठ, बेसन, ओट्स पीठ, आलं लसूण पेस्ट टाकून व्यवस्थित मिक्स करून घ्या.
• मिक्स करून झाल्यानंतर त्यात बारीक चिरून घेतलेला कांदा, हळद, कोथिंबीर, जिरे पावडर, चवीनुसार मीठ आणि तीळ टाकून मिक्स करून घ्या.
• तयार केलेल्या पिठामध्ये आवश्यकतेनुसार पाणी घालून पीठ मळून काहीवेळ बाजूला ठेवून घ्या.
• तवा गरम करण्यासाठी ठेवा. तयार केलेल्या पिठाचे छोटे छोटे गोळे करून तुम्हाला हवं त्या आकाराचे थालीपीठ बनवा.
• तव्यावर टाकून दोन्ही बाजूने व्यवस्थित बाजून तेल किंवा तूप लावून घ्या.
• तयार आहे सोप्या पद्धतीमध्ये बनवलेलं दुधीचं थालीपीठ.