दिवाळी सणाला कोकणातील प्रत्येक घरात बनवली जातात तांदळाच्या पिठाची बोर, नोट करून घ्या पारंपरिक रेसिपी

दिवाळीच्या फराळात तुम्ही तांदळाच्या पिठापासून पारंपरिक पद्धतीमध्ये बोरं बनवू शकता. हा पदार्थ कोकणातील प्रत्येक घराघरात बनवला जातो. चला तर जाणून घेऊया बोरं बनवण्याची सोपी रेसिपी.

दिवाळी निमित्त कोकणात अनेक पारंपरिक पदार्थ बनवले जातात. त्यातील प्रत्येक घरात बनवला जाणारा पदार्थ म्हणजे तांदळाच्या पिठाची बोर. तांदळाच्या पिठाचा वापर करून बनवलेली बोर चवीला अतिशय सुंदर लागतात. हा पदार्थ बनवताना तुम्ही गुळाचा सुद्धा वापर करू शकता. दिवाळीतील फराळात बनवले जाणारे सर्वच पदार्थ साखर वापरून बनवले जातात. पण मधुमेह किंवा आरोग्यासंबंधित इतर समस्यांनी त्रस्त असलेले लोक साखर युक्त पदार्थांचे सेवन करणे टाळतात. साखरेच्या सेवनामुळे रक्तातील साखर वाढून शरीराला हानी पोहचते. दिवाळीमध्ये बनवले जाणारे पारंपरिक पदार्थ सणांचा गोडवा वाढवतात. फराळाच्या ताटात तांदळाच्या पिठाची बोर असतील तर फराळाचे ताट भरल्यासारखे वाटते. चला तर जाणून घेऊया तांदळाच्या पिठाची बोर बनवण्याची सोपी रेसिपी.(फोटो सौजन्य: Pinterest)

अचानक आलेल्या पाहुण्यांच्या स्वागतासाठी १० मिनिटांमध्ये झटपट बनवा कुरकुरीत- तिखट मुगडाळ, नोट करा रेसिपी

साहित्य:

• तांदळाचे पीठ
• तीळ
• गूळ
• मीठ
• पाणी
• रवा
• वेलची पावडर

चहाची मजा होईल द्विगुणित, घरी बनवा कुरकुरीत आणि झटपट तयार होणारी ‘मसाला पापडी’

कृती:

• तांदळाच्या पिठाची बोर बनवण्यासाठी सर्वप्रथम, मोठ्या ताटात तांदळाचे पीठ, रवा, चवीनुसार मीठ, पांढरे तीळ आणि गूळ टाकून मिश्रण व्यवस्थित मिक्स करून घ्या.
• तयार करून घेतलेले पीठ व्यवस्थित मिक्स करून घ्या. त्यानंतर पिठात वेलची पावडर घालून मिक्स करा.
• टोपात पाणी गरम करून त्यात किसून घेतलेला गूळ टाकून पाक तयार करा. तयार केलेला पाक थंड झाल्यानंतर तांदळाच्या पिठात मिक्स करून पीठ मळून घ्या.
• तयार केलेले पीठ व्यवस्थित मळून घ्या. त्यानंतर पिठाचे छोटे छोटे गोळे करून कढईमधील गरम तेलात मंद आचेवर बोर तळून घ्या.
• तयार आहेत सोप्या पद्धतीमध्ये बनवलेली तांदळाच्या पिठाची पारंपरिक बोर.