पारंपरिक पद्धतीमध्ये हिरव्या मुगांपासून बनवा पौष्टिक लाडू, नियमित एक खाल्ल्यास तात्काळ मिळेल शरीराला ऊर्जा

थंडीच्या दिवसांमध्ये सकाळच्या नाश्त्यात नियमित एक मुगाचा लाडू खावा. मुगाचा लाडू खाल्ल्यामुळे शरीराला भरमसाट फायदे होतात. चला तर जाणून घेऊया मूग लाडू बनवण्याची सोपी रेसिपी.

थंडीच्या दिवसांमध्ये शरीराला उष्णतेची जास्त आवश्यकता असते. कारण वातावरणात निर्माण झालेल्या गारव्याचा परिणाम आरोग्यावर लगेच दिसून येतो. त्यामुळे थंडीत कायमच उष्ण पदार्थांचे सेवन करावे. भारतीय आहारातील पौष्टिक आणि पारंपरिक पदार्थ शरीराला तात्काळ ऊर्जा देतात आणि पोषण देतात. चवदार पदार्थांसोबतच पौष्टिक पदार्थांचे सुद्धा सेवन करावे. थंडीला सुरुवात झाल्यानंतर लहान मोठ्या आजारांची लागण शरीराला होते. या आजारांची लागण झाल्यानंतर रोगप्रतिकारशक्ती कमकुवत होण्यासोबतच थकवा, अशक्तपणा वाढू लागतो. म्हणूनच आज आम्ही तुम्हाला थंडीत शरीराला उष्णता देण्यासाठी हिरव्या मुगाचे लाडू बनवण्याची सोपी रेसिपी सांगणार आहोत. हिरवे मूग शरीरासाठी वरदान ठरतात. प्रथिने आणि कॅल्शियमने समृद्ध असलेले लाडू खाल्ल्यास शरीराला भरपूर पोषण मिळेल. थंडीत पचनक्रिया सुधारण्यासाठी आणि रोगप्रतिकारशक्ती वाढवण्यासाठी सकाळच्या नाश्त्यात नियमित एक मुगाचा लाडू खावा. यामुळे दीर्घकाळ पोट भरलेले राहील आणि शरीराला ऊर्जा मिळेल. जाणून घ्या हिरव्या मुगाचे लाडू बनवण्याची रेसिपी.(फोटो सौजन्य – pinterest)

Winter Special Drink: संध्याकाळच्या नाश्त्यात घरी बनवा पौष्टिक Hot Chocolate, १० मिनिटांमध्ये झटपट तयार होईल पदार्थ

साहित्य:

• हिरवे मूग
• तूप
• गूळ
• सुका मेवा
• वेलची पावडर
• बदाम
• जायफळ पावडर

हिरव्यागार ताज्या आवळ्यांपासून बनवा विकतसारखी परफेक्ट आवळा कँडी, जाणून घ्या योग्य प्रमाण आणि बनवण्याची पद्धत

कृती:

• हिरव्या मुगाचे लाडू बनवण्यासाठी सर्वप्रथम, कढई गरम करण्यासाठी ठेवा. त्यात हिरवे मूग घालून मंद आचेवर भाजा. मुगाचा रंग लाल होईपर्यंत मूग भाजून घ्या.
• भाजून घेतलेले मूग थंड झाल्यानंतर मिक्सरच्या भांड्यात टाकून जाडसर वाटून घ्या. यामुळे लाडूची चव आणखीनच सुंदर लागेल.
• कढईमध्ये तूप गरम करून त्यात वाटून घेतलेले पीठ खमंग भाजा. त्यानंतर पीठ बाजूला काढून थंड करा.
• गुळाचा पाक तयार करण्यासाठी किसलेले गूळ कढईमध्ये घालून पाक तयार करा.
• मोठ्या ताटात भाजून घेतलेले पीठ, भाजलेला सुका मेवा, जायफळ पावडर, भाजलेलं सुक खोबर, वेलची पावडर आणि गरम केलेले तूप घालून व्यवस्थित मिक्स करा.
• त्यानंतर तुम्हाला हवे त्या आकारात लाडू वळून घ्या. तयार आहेत सोप्या पद्धतीमध्ये बनवलेले हिरव्या मुगाचे पौष्टिक लाडू.