Ganeshotsav 2026: पारंपरिक मोदकाला द्या गुलाबी ट्विस्ट! लाडक्या गणपती बाप्पासाठी या पद्धतीने बनवा चविष्ट गुलकंद मोदक

Ganeshotsav 2026: बाप्पाच्या नैवेद्यासाठी तुम्ही झटपट गुलकंद मोदक बनवू शकता. हे मोदक दोन ते तीन आठवडे व्यवस्थित टिकून राहतात आणि चव सुद्धा मस्त लागते. जाणून घ्या गुलकंद मोदक बनवण्याची कृती.

Ganeshotsav 2026: राज्यभरात सगळीकडे गणपती बाप्पाचे स्वागत मोठ्या आनंद आणि उत्साहात केले जाते. बाप्पाचे आगमन झाल्यानंतर घरात मोदकांचा नैवैद्य बनवला जातो. उकडीचे मोदक, रव्याचे मोदक, पुरणाचे मोदक इत्यादी वेगवेगळे मोदक बनवले जातात. पण आज आम्ही तुम्हाला लाडक्या बाप्पासाठी गुलकंद मोदक बनवण्याची सोपी रेसिपी सांगणार आहोत. या पद्धतीने बनवलेले मोदक चवीला अतिशय सुंदर लागतात. गुलकंद मोदक आरतीनंतर प्रसादासाठी सुद्धा देऊ शकता. गुलकंद आणि सुका मेव्याचा वापर करून बनवलेला मोदक खाल्ल्यानंतर घरातील सगळेच तुमचं कौतुक करतील. नैवेद्याच्या थाळीमध्ये वेगवेगळे रंगीत मोदक ठेवायचे असल्यास तुम्ही या पद्धतीने चविष्ट गुलकंद मोदक बनवू शकता. हे मोदक दोन ते तीन आठवड्यांपर्यंत व्यवस्थित टिकून राहतात. चला तर जाणून घेऊया रेसिपी.(फोटो सौजन्य – pinterest)

Smoothie Recipe: नाश्त्यासाठी किंवा स्नॅक टाइमसाठी परफेक्ट! लहान मुलांसाठी झटपट बनवा हेल्दी टेस्टी चॉकलेट स्मूदी

साहित्य:

• गुलकंद
• सुका मेवा
• वेलची पावडर
• सुक्या खोबऱ्याचा किस
• खवा
• पिठीसाखर
• दूध
• साजूक तूप
• गुलाब सिरप

Breakfast Recipe: साध्या पोह्यांना द्या चायनीज तडका! सकाळच्या नाश्त्यात बनवा चविष्ट शेजवान पोहे, नोट करून घ्या रेसिपी

कृती:

• गुलकंद मोदक बनवण्यासाठी सर्वप्रथम, पॅनमध्ये तूप गरम करून त्यात खवा घालून मंद आचेवर व्यवस्थित मिक्स करा.
• त्यानंतर त्यात दोन ते तीन चमचे दूध आणि रोझ सिरप घालून व्यवस्थित मिक्स करा. मोदक बनवताना गॅस मंद आचेवर ठेवावा.
• त्यानंतर तयार केलेल्या मिश्रणात पिठीसाखर किंवा कन्डेन्स्ड मिल्क घालून मिक्स करा. तयार केलेल्या मिश्रणाचा घट्टसर गोळा तयार झाल्यानंतर गॅस बंद करा.
• वाटीमध्ये गुलकंद घेऊन त्यात काजू, बदाम, किसलेले खोबरे आणि वेलची पावडर घालून व्यवस्थित मिक्स करा.
• मोदकाच्या साचल्याला तूप लावून त्यात तयार केलेले मिश्रण मोदकाच्या साच्याला लावून त्यात गुलकंदाचे मिश्रण भरून मोदक व्यवस्थित पॅक करा.
• तयार आहेत सोप्या पद्धतीमध्ये बनवलेले गुलकंद मोदक.