मकरसंक्रांतीला घरी बनवा सोप्या पद्धतीमध्ये गुळपोळी, आठवडाभर व्यवस्थित टिकून राहीलं पदार्थ

मकर संक्रांतीच्या दिवशी घरात अनेक पारंपरिक पदार्थ बनवले जातात. त्यामध्ये प्रामुख्याने गूळपोळी हा पदार्थ बनवला जातो. त्यामुळे आज आम्ही तुम्हाला सोप्या पद्धतीमध्ये गुळपोळी बनवण्याची सोपी रेसिपी सांगणार आहोत.

मकरसंक्रांतीच्या दिवशी तीळ गुळापासून वेगवेगळे पदार्थ बनवले जातात.संपूर्ण राज्यभरात वेगवेगळ्या पद्धतीने मकरसंक्रांती हा सण साजरा केला जातो. या दिवशी अनेक घरांमध्ये हळदीकुंक ठेवून वाण आणि तिळगुळाचे लाडू दिले जातात. महाराष्ट्रातील प्रत्येक गावात वेगवेग्ळ्या पद्धतीने मकरसंक्रांत साजरी केली जाते. तसेच यादिवशी अनेक घरांमध्ये पुरणपोळी प्रमाणे गुळाची पोळी बनवली जाते. आरोग्याच्या दृष्टीने गूळ अतिशय पौष्टिक आहे. थंडीच्या दिवसांमध्ये शरीरात उष्णता टिकवून ठेवण्यासाठी गुळाचे सेवन केले जाते. त्यामुळे आज आम्ही तुम्हाला सोप्या पद्धतीमध्ये गूळ पोळी बनवण्याची रेसिपी सांगणार आहोत. अनेकदा गुळपोळी बनवताना त्यातील सारण बाहेर निघते आणि पोळी खराब होते. म्हणून आज आम्ही तुम्हाला गुळपोळी बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• गूळ
• तीळ
• शेंगदाणे
• तूप
• बेसन
• जायफळ पावडर
• वेलची पावडर
• तांदळाचे पीठ
• गव्हाचे पीठ
• मैदा
• मीठ

नवनवीन रेसिपीसाठी इथे किल्क करा

कृती:

• गुळपोळी बनवण्यासाठी सर्वप्रथम, कढई गरम करून त्यात शेंगदाणे व्यवस्थित भाजून नंतर बारीक कूट करून घ्या.
• त्याच कढईमध्ये तूप टाकून गूळ वितळण्यासाठी ठेवा. गूळ पूर्णपणे वितळल्यानंतर त्यात तयार केलेला शेंगदाण्याचा कूट, वेलची पावडर, जायफळ पावडर टाकून व्यवस्थित सारण घट्ट होईपर्यंत परतून घ्या.
• त्यानंतर ताटात मैदा, चवीनुसार मीठ, गव्हाचं पीठ आणि तांदळाचे पीठ टाकून मिक्स करून घ्या.
• मिक्स करून घेतलेल्या पिठामध्ये आवश्यकतेनुसार पाणी घालून पीठ मळून घ्या. मळून घेतलेल्या पिठाला तेल लावून काहीवेळ ठेवा.
• मळून घेतलेल्या पिठाचे छोटे छोटे गोळे करून त्यात सारण भरून घ्या.
• त्यानंतर गुळाची पोळी हलक्या हाताने व्यवस्थित लाटून घ्या. तव्यावर टाकून दोन्ही बाजूने व्यवस्थित भाजून तूप लावून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली खमंग गूळपोळी.