Summer Recipe: कडाक्याच्या उन्हाळ्यात खा थंडगार कोकम आईस कँडी, चटपटीत चवीमुळे होईल रोज खाण्याची इच्छा

उन्हाळ्याच्या दिवसांमध्ये कायमच विकतचे आईस्क्रीम खाण्यापेक्षा घरी बनवलेले थंडगार कोकम आईस कँडी तुम्ही बनवू शकता. कोकम शरीरासाठी खूप जास्त फायदेशीर आहे. यामुळे पित्त कमी होण्यास मदत होते.

उन्हाळ्याच्या झळा वाढल्यामुळे सर्वच गर्मीमुळे हैराण झाले आहेत. कडक ऊन आणि सूर्याच्या हानिकारक किरणांमुळे आरोग्याला हानी पोहचण्याची शक्यता असते. उन्हाळ्याच्या दिवसांमध्ये घसा कोरडा पडणे, सतत तहान लागणे, अचानक चक्कर येणे, थकवा, अशक्तपणा इत्यादी लक्षणे दिसू लागतात. शरीरातील पाण्याची पातळी कमी झाल्यानंतर आरोग्य बिघडण्यास सुरुवात होते. अशावेळी बाहेर गेल्यानंतर प्रत्येकाला थंडगार पदार्थ खाण्याची खूप जास्त इच्छा होते. विकतचे आईस कँडी बनवण्यासाठी कोणत्याही पाण्याचा वापर करून बर्फ तयार केला जातो. यामुळे शरीराला हानी पोहचू शकते. म्हणूनच आज आम्ही तुम्हाला कोकम आईस कँडी बनवण्याची सोपी रेसिपी सांगणार आहोत. या पद्धतीने बनवलेली आईस कँडी लहान मुलांसह घरातील प्रत्येक व्यक्तीला खूप जास्त आवडेल. उन्हाळ्यासह इतर सर्वच ऋतूंमध्ये कोकम खाणे शरीरासाठी खूप जास्त फायदेशीर ठरते. कोकम शरीरासाठी नैसर्गिक थंड आणि पित्तशामक मानले जाते. यामुळे शरीराची पचनक्रिया निरोगी राहण्यास मदत होते. वारंवार ऍसिडिटी किंवा पचनाच्या समस्या उद्भवत असतील पाण्यात कोकम सरबत मिक्स करून प्यावे. यामुळे पित्त कमी होण्यास मदत होते. चला तर जाणून घेऊया कोकम आईस कँडी बनवण्याची सोपी रेसिपी.(फोटो सौजन्य – istock)

व्हेज स्टार्टर्ससाठी पदार्थ शोधताय? मग कुरकुरीत Threaded Paneer ठरेल परफेक्ट पर्याय, रेसिपी नोट करा

साहित्य:

• कोकम सिरप
• चाट मसाला
• सब्जा
• भाजलेल्या जिऱ्याची पावडर
• काळे मीठ
• साखर
• मीठ

Summer Drink: थकलेल्या शरीराला मिळेल तात्काळ ऊर्जा! १० मिनिटांमध्ये झटपट तयार होईल जवस बियांचे थंडगार सरबत

कृती:

• कोकम आईस कँडी बनवण्यासाठी सर्वप्रथम, मोठ्या टोपात पाणी घेऊन त्यात कोकम सिरप टाकून मिक्स करा.
• त्यानंतर त्यात साखर घालून मिक्स करा. साखर पूर्णपणे विरघल्यानंतर त्यात चवीनुसार काळे मीठ आणि साधं मीठ घालून मिक्स करा.
• त्यानंतर त्यात भाजलेल्या जिऱ्याची पावडर, चाट मसाला घालून व्यवस्थित मिक्स करा.
• वाटीमध्ये एक चमचा सब्जा बिया घालून त्यात पाणी घालून काहीवेळ तसेच ठेवा. १ तासानंतर सब्जा भिजल्यानंतर तयार केलेल्या मिश्रणात टाकून मिक्स करा.
• आईस्क्रीमच्या मोल्ड तयार केलेले कोकमचे मिश्रण ओतून झाकण लावून फ्रिजमध्ये ६ ते ८ तास ठेवून द्या.
• ६ ते ७ तासांमध्ये आईस कँडी व्यवस्थित सेट होईल. सर्व्ह करताना थोडासा चाट मसाला टाकून लहान मुलांना खाण्यास द्या.
• तयार आहे सोप्या पद्धतीमध्ये बनवलेली कोकम आईस कँडी.