जेवणाची चव वाढवण्यासाठी झटपट बनवा पारंपरिक लसूण पतीचा झणझणीत ठेचा, गरमागरम भाकरीसोबत लागेल चविष्ट

थंडीच्या दिवसांमध्ये बाजारात लसूण पात मोठ्या प्रमाणावर उपलब्ध असते. त्यामुळे लसूण पातीचा वापर करून झणझणीत ठेचा बनवू शकता. हा पदार्थ चपाती किंवा भाकरीसोबत अतिशय सुंदर लागेल.

थंडीच्या दिवसांमध्ये बाजारात अनेक वेगवेगळ्या पालेभाज्या आणि फळभाज्या उपलब्ध असतात. त्यात आवडीने खाल्ली जाणारी भाजी म्हणजे लसूण पात. जेवणातील सर्वच पदार्थ बनवताना लसूणचा वापर केला जातो. लसूणची फोडणी दिल्यानंतर पदार्थाची चव आणि सुगंध वाढतो. त्यामुळे जेवणात लसुणचा वापर करावा. लसूण खाल्ल्यामुळे रक्तात जमा झालेली वाईट कोलेस्ट्रॉल नष्ट होण्यास मदत होते. यामध्ये असलेले गुणकारी घटक पांढऱ्या रक्त पेशींना उत्तेजित करून संसर्ग आणि फ्लूशी लढण्यास मदत करतात. याशिवाय शरीरात जमा झालेली विषारी घटक बाहेर काढून टाकण्यासाठी लसूण खावा. सकाळी उठल्यानंतर उपाशी पोटी कच्चा लसूण खाल्ल्यास आतड्यांचे आरोग्य सुधारेल आणि आतड्यांमध्ये चांगल्या बॅक्टरीया निर्माण होतील. बाजारात थंडीच्या दिवसांमध्ये ताजी लसूण पात उपलब्ध असते. त्यामुळे त्याची भाजी किंवा इतर कोणताही पदार्थ बनवून तुम्ही खाऊ शकता. यामुळे पचनक्रिया सुधारते, पांढऱ्या रक्त पेशींना उत्तेजित करून संसर्ग आणि फ्लूशी लढण्यास मिळते. चला तर जाणून घेऊया लसूण पातीचा ठेचा बनवण्याची सोपी रेसिपी.(फोटो सौजन्य – istock)

आयुर्वेदिक गुणधर्मांनी भरपूर… सकाळच्या नाश्त्याला बनवा खमंग आणि खरपूस भाजेलेले ‘मेथीचे थालीपीठ’

साहित्य:

• लसूण पात
• तेल
• धणे
• जिरं
• शेंगदाणे
• हिरवी मिरची
• लसूण
• मीठ
• कोथिंबीर

थंडीच्या दिवसांमध्ये अस्सल गावरान पद्धतीत बनवा चमचमीत पावटा भात, नोट करून घ्या पारंपरिक चवीची रेसिपी

कृती:

• लसूण पातीचा ठेचा बनवण्यासाठी सर्वप्रथम, लसूणची पात स्वच्छ साफ करून घ्या. त्यानंतर पाण्याने धुवून बारीक चिरून घ्या.
• पॅनमध्ये तेल गरम करण्यासाठी ठेवा. गरम तेलात जिरे, धणे, शेंगदाणे, हिरव्या मिरच्या घालून खमंग फोडणी भाजा.
• त्यानंतर त्यात बारीक चिरून घेतलेली लसूण पात आणि लसूण तुकडे घालून व्यवस्थित मिक्स करा.
• सर्व साहित्य शिजल्यानंतर त्यात चवीनुसार मीठ आणि कोथिंबीर घालून मिक्स करा. ठेचा बनवण्याचे मिश्रण काहीवेळ थंड होण्यासाठी ठेवा.
• तयार केलेले मिश्रण खलबत्यामध्ये कुटून घ्या. यामुळे ठेचाची चव आणखीनच सुंदर लागेल.