ऑफिसच्या डब्यासाठी लसूणचा तडका देऊन झटपट बनवा चमचमीत वांग फ्राय,नोट करून घ्या रेसिपी

लहान मुलांसह मोठ्यांना वांग खायला आवडत नाही. अशावेळी तुम्ही झटपट लसूण तडका देऊन सोप्या पद्धतीमध्ये वांग फ्राय बनवू शकता. या पदार्थाची चव अतिशय सुंदर लागेल. जाणून घ्या वांग फ्राय बनवण्याची सोपी रेसिपी.

ऑफिसच्या डब्यात नेहमीच काय भाजी बनवावी? असे अनेक प्रश्न महिलांना सतत पडत असतात. नेहमी कडधान्य किंवा भाज्या खाऊन कंटाळा आल्यानंतर काहींना काही नवीन आणि चमचमीत पदार्थ खाण्याची इच्छा सगळ्यांचं होते. अशावेळी तुम्ही लसूणचा तडक देऊन झटपट वांग फ्राय बनवू शकता. लहान मुलांसह मोठ्यांनासुद्धा वांग्याची भाजी खायला आवडत नाही. वांग्याच्या भाजीचे नाव ऐकल्यानंतर लोक नाक मुरडतात. पण वांग खाणे आरोग्यासाठी अतिशय पौष्टिक आणि गुणकारी आहे. कमीत कमी साहित्यामध्ये झटपट होणारे पदार्थ बनवायला महिलांना खूप आवडतात. कारण यामुळे वेळेची बचत होते. वांग फ्राय हा पदार्थ तुम्ही चपाती, भाकरी किंवा भात डाळ सोबत खाऊ शकता. चला तर जाणून घेऊया लसूण तडक देऊन वांग फ्राय बनवण्याची सोपी रेसिपी.(फोटो सौजन्य – iStock)

जेवणाला येईल खमंग चव! मराठवाडी पद्धतीमध्ये झटपट बनवा खोबरं- लसूण चटणी, नोट करून घ्या रेसिपी

साहित्य:

• वांग
• लाल तिखट
• लसूण
• लाल मिरच्या
• जिऱ्याची पावडर
• धणे पावडर
• गरम मसाला
• हळद
• मीठ
• बडीशेप
• तेल

संकष्टी चतुर्थीच्या उपवासात सकाळच्या नाश्त्यासाठी सोप्या पद्धतीमध्ये बनवा वरीच्या तांदळाचे डोसे, नोट करून घ्या रेसिपी

कृती:

• वांग्याचं फ्राय बनवण्यासाठी सर्वप्रथम, भरीताचे वांग स्वच्छ धुवून उभे किंवा गोलाकार पातळ चकत्या करून घ्या.
• मिक्सरच्या भांड्यात लसूण, भिजत ठेवलेल्या लाल मिरच्या, धणे, जिरं, आणि तेल घालून बारीक पेस्ट बनवून घ्या.
• तयार करून घेतलेली पेस्ट वाटीमध्ये काढून त्यात लाल तिखट, हळद, चवीनुसार मीठ, गरम मसाला घालून व्यवस्थित मिक्स करा.
• कापून घेतलेल्या वांग्यांवर तयार केलेले मिश्रण लावून काहीवेळ तसेच ठेवा.
• पॅनमध्ये तेल गरम करून त्यात बारीक चिरून घेतलेला लसूण घालून लालसर होईपर्यंत भाजून घ्या. त्यानंतर त्यात मसाला लावून ठेवलेले वांग टाका.
• वांग दोन्ही बाजूने खसपूस भाजून झाल्यानंतर वरून कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेले वांग फ्राय. हा पदार्थ घरातील लहान मुलांनासुद्धा खूप जास्त आवडेल.