तोंडात टाकताच सहज जातील विरघळून! हापूस आंब्याचा वापर करून बनवा मँगो-रवा लाडू, नोट करून घ्या रेसिपी

हापूस आंबा खायला सगळ्यांचं खूप जास्त आवडतो. म्हणूनच आज आम्ही तुम्हाला सोप्या पद्धतीमध्ये मँगो रवा लाडू बनवण्याची सोपी रेसिपी सांगणार आहोत. चला तर जाणून घेऊया.

मे महिन्याच्या सुरुवातीला बाजारात मोठ्या प्रमाणावर हापूस आंबे उपलब्ध होतात. हापूस आंब्याचे नाव ऐकल्यानंतर सगळ्यांच्या तोंडाला पाणी सुटते. रसाळ आणि गोड चवीच्या आंब्यांपासून विविध पदार्थ बनवले जातात. आमरस पुरी, आंब्याची पोळी, आंब्याचे रायत इत्यादी अनेक पदार्थ बनवले जातात. पण आज आम्ही तुम्हाला हापूस आंब्याचा वापर करून मँगो रवा लाडू बनवण्याची सोपी रेसिपी सांगणार आहोत. हा पदार्थ घरातील लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल. आंब्याचा नैसर्गिक गोडवा आणि पिवळा रंग लाडूची चव वाढवण्यास मदत करेल. उन्हाळ्याच्या दिवसांमध्ये हे लाडू तुम्ही सहज बनवू शकता. पारंपरिक पदार्थ बनवण्यासाठी जास्त साहित्य आणि जास्त वेळ लागत नाही. बऱ्याचदा नुसताच आंबा खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास तुम्ही या पद्धतीने आंब्याचे चविष्ट लाडू बनवू शकता. चला तर जाणून घेऊया टेस्टी मँगो लाडू बनवण्याची सोपी कृती.(फोटो सौजन्य – pinterest)

Summer Special Recipe : पोटाला मिळेल आराम, घरी बनवा काकडी-पुदिन्याचा रायता

साहित्य:

• हापूस आंब्याचा गर
• तूप
• सुका मेवा
• ओल्या खोबऱ्याचा किस
• रवा
• मिल्क पावडर
• पिठीसाखर
• वेलची पावडर
• मनुका

उन्हाळ्यातील चविष्ट पदार्थ! अस्सल कोकणी पद्धतीमध्ये बनवा ओल्या खोबऱ्याच्या दुधाचा खसवस, नोट करा रेसिपी

कृती:

• मँगो रवा लाडू बनवण्यासाठी सर्वप्रथम, हापूस आंबे स्वच्छ धुवून घ्या. त्यानंतर आंब्याची साल काढून गर काढा आणि मिक्सरच्या भांड्यात टाकून बारीक पेस्ट तयार करा.
• कढईमध्ये तूप टाकून गरम करून घ्या. गरम तुपात रवा मंद आचेवर खमंग भाजून घ्या. त्यानंतर रवा काढून त्यात ओल्या खोबऱ्याचा किस घाला आणि मंद आचेवर भाजा.
• भाजलेला रवा खोबऱ्याच्या मिश्रणात टाकून मिक्स करा आणि त्यात तयार केलेला आंब्याचा गर घालून मंद आचेवर व्यवस्थित मिक्स करा.
• तयार केलेले मिश्रण घट्ट झाल्यानंतर त्यात मिल्क पावडर घालून मिक्स करा. आंब्याचे मिश्रण हलकेसे थंड झाल्यानंतर त्यात पिठीसाखर, सुका मेवा, वेलची पावडर घालून व्यवस्थित मिक्स करा.
• हातांना तूप लावून तुम्हाला हवे त्या आकारात लाडू बनवून घ्या आणि सुका मेवा घालून खाण्यासाठी सर्व्ह करा.
• तयार आहेत सोप्या पद्धतीमध्ये बनवलेले मँगो रवा लाडू.