वाटीभर शेवग्याच्या पानांपासून बनवा चविष्ट चटणी, चमचाभर चटणीचे सेवन केल्यास हाडांना मिळेल पोषण

शेवग्याच्या पानांची भाजी अनेकांना खायला आवडत नाही. अशावेळीउ तुम्ही शेवग्याच्या पानांचा वापर करून चविष्ट चटणी बनवू शकता. या चटणीचे सेवन केल्यामुळे हाडांचे आरोग्य सुधारण्यास मदत होईल. चला तर जाणून घेऊया रेसिपी.

शेवग्याच्या शेंगांसह पानांमध्ये सुद्धा भरपूर पोषण आढळून येते. दैनंदिन आहारात शेवग्याच्या शेंगांचे सेवन केल्यास शरीराला कॅल्शियम, प्रोटीन मिळण्यास मदत होईल. शेवग्याच्या पानांमध्ये आणि शेंगांमध्ये प्रोटीन, अमीनो अ‍ॅसिड, बीटा कॅरटीन, कॅल्शियम, फायबर, सोडियम इत्यादी अनेक घटक आढळून येतात. शेवग्याच्या शेंगांपासून भाजी, तिखट डाळ, भजी इत्यादी अनेक पदार्थ बनवले जातात. याशिवाय शेवग्याच्या पानांची भाजी अनेक लोक आवडीने खातात.पोषक घटकांनी भाजीमध्ये आयुर्वेदिक गुणधर्म आहेत. शेवग्याच्या पानांची पावडर तयार करून कोमट पाण्यात टाकून सेवन केले जाते. यामुळे शरीरातील विषारी पदार्थ बाहेर पडून जातात आणि पोट स्वच्छ होते. हाडांचे आरोग्य सुधारण्यासाठी शेंगव्याची पाने अतिशय प्रभावी आहेत. आज आम्ही तुम्हाला शेंवग्याच्या पानांची चटणी बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

१० मिनिटांमध्ये घरच्या घरी बनवा ‘खारे शेंगदाणे’, चवीसोबत आरोग्यासाठी सुद्धा ठरतील पौष्टिक

साहित्य:

• शेवग्याची पाने
• मीठ
• तेल
• चणा डाळ
• शेंगदाणे
• धणे
• जिरे
• लाल सुक्या मिरच्या
• अळशीच्या बिया
• चिंच
• कढीपत्ता
• उडीद डाळ

चहाला द्या बिस्किटांची जोड! घरीच बनवा मार्केट स्टाइल चॉको चिप्स कुकीज, सोपी आहे रेसिपी

कृती:

• शेवग्याच्या पानांची चटणी बनवण्यासाठी सर्वप्रथम, कढईमध्ये तेल गरम करण्यासाठी ठेवा. गरम तेलात चणा डाळ आणि पांढरी उडीद डाळ घालून भाजून घ्या.
• त्यानंतर त्यात शेंगदाणे, धणे, जिरे, लाल सुक्या मिरच्या, अळशीच्या बिया टाकून व्यवस्थित भाजून घ्या. त्यानंतर सर्व मिश्रण थंड करून घ्या.
• त्यानंतर तेलात शेवग्याची पाने परतवून घ्या. नंतर त्यात कढीपत्ता घालून हलकासा भाजून घ्या.
• मिक्सरच्या भांड्यात भाजून घेतलेले सर्व साहित्य, चिंचा गोळा आणि चवीनुसार मीठ घालून बारीक वाटून घ्या. तयार करून घेतलेल्या मिश्रणाची बारीक चटणी वाटून घ्या.
• आहे सोप्या पद्धतीमध्ये बनवलेले शेवग्याच्या पानांची चटणी.