शेवग्याचे सूप आरोग्यासाठी गुणकारी! ‘या’ पद्धतीने घरी बनवा पौष्टिक सूप, हाडं राहील कायम मजबूत

शेवग्याच्या शेंगा आरोग्यासाठी अतिशय पौष्टिक आहे. या शेंगांचा वापर करून अनेक वेगवेगळे पदार्थ बनवले जातात. त्यामुळे आज आम्ही तुम्हाला शेवग्याच्या शेंगांचे सूप बनवण्याची सोपी रेसिपी सांगणार आहोत.

शेवग्याच्या शेंगा आरोग्यासाठी अतिशय पौष्टिक आणि प्रभावी आहेत. दैनंदिन आहारात या भाजीचे सेवन केल्यामुळे हाडांना कॅल्शियम मिळते. याशिवाय आरोग्यासंबंधित अनेक समस्यांपासून आराम मिळतो. शेवग्याच्या शेंगा मधुमेह, हाडांचे दुखणे, हृदयविकार, कोलेस्ट्रॉल इत्यादी अनेक समस्यांपासून आराम मिळवून देण्यासाठी प्रभावी ठरतात. दात खराब झाल्यानंतर किंवा दातांमधील वेदना वाढल्यास शेवग्याच्या शेंगांचा वापर केला जातो. काहींना शेंगा खायला आवडत नाहीत, अशावेळी तुम्ही मोरिंगा पावडरचा वापर करू शकता. कोमट पाण्यात मोरिंगा पावडर टाकून प्यायल्यामुळे शरीरात साचून राहिलेले विषारी घटक बाहेर पडून जातील आणि शरीर स्वच्छ होईल. तसेच आतड्यांचे आरोग्य सुधारण्यासाठी आहारात तुम्ही शेवग्याच्या शेंगांचे सेवन करू शकता. आज आम्ही तुम्हाला सोप्या पद्धतीमध्ये शेवग्याच्या शेंगाचे सूप कसे बनवावे, याची सोपी रेसिपी सांगणार आहोत. शेवग्याचे सूप तुम्ही सकाळच्या नाश्त्यात किंवा इतर वेळी भूक लागल्यानंतर सुद्धा पिऊ शकता. जाणून घ्या सोपी रेसिपी.(फोटो सौजन्य – iStock)

जेवणाला द्या राजस्थानी तडका, घरी बनवा रसरशीत गट्ट्याची भाजी; याची चव चिकन करीलाही सोडेल मागे

साहित्य:

• शेवग्याच्या शेंगा
• मीठ
• हळद
• जिरं
• हिंग
• तूप

PCOS कमी करण्यासाठी सकाळच्या नाश्त्यात घरी बनवा ‘एवोकॅडो अननस स्मूदी’,शरीराला होतील फायदे

कृती:

• शेवग्याच्या शेंगांचे सूप बनवण्यासाठी सर्वप्रथम, शेंगा स्वच्छ धुवून त्यांच्यावरील साल काढून घ्या. शेवग्याच्या शेंगांपासून कोणताही पदार्थ बनवताना शेंगा जुनाट वापरू नये.
• साल काढून घेतलेल्या शेंगा पाण्यात टाकून ठेवा. नटरं कुकरमध्ये शेंगा बुडतील एवढे पाणी घालून कुकरच्या ५ ते ६ शिट्ट्या काढा.
• थंड झाल्यानंतर त्या मिक्सरच्या भांड्यात काढून त्यातील पाणी टाकून बारीक वाटून घ्या.
• वाटून घेतलेल्या शेंगा चाळणीच्या सहाय्याने गाळून त्यातील पाणी वेगळे करा. शेंगा शिजवताना जास्त पाण्याचा वापर करू नये.
• टोपात तूप गरम करून त्यात हिंग आणि जिरं टाकून भाजा. नंतर त्यात चिमूटभर हळद आणि कढीपत्त्याची पाने टाकून वरून गाळून घेतलेला शेंगांचा रस टाकून मिक्स करा.
• नंतर त्यात आवश्यकतेनुसार पाणी आणि काळीमिरी पावडर, चवीनुसार मीठ घालून मिक्स करून सूपला ५ मिनिटं उकळी काढा.
• तयार आहे सोप्या पद्धतीमध्ये बनवलेले शेवग्याच्या शेंगांचे सूप.