चटपटीत आणि मसालेदार! घरच्या घरी बनवा कढई मशरूम मसाला, नोट करून घ्या झटपट तयार होणारी रेसिपी

नेहमी त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास झटपट तुम्ही कढई मशरूम मसाला बनवू शकता. हा पदार्थ चवीला अतिशय सुंदर लागतो.

नेहमीच काय भाजी बनवावी? असा प्रश्न कायमच सगळ्यांना पडतो. जेवणाच्या ताटात किंवा ऑफिसच्या डब्यात चमचमीत पदार्थ खाण्यास हवे असतात. त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची खूप जास्त इच्छा होते. अशावेळी तुम्ही सोप्या पद्धतीमध्ये कढई मशरूम बनवू शकता. हा पदार्थ गरमागरम चपाती आणि वाफाळत्या भातासोबत खायला अतिशय सुंदर लागतो. सुगंधी मसाले, विविध भाज्या आणि मशरूमचा वापर करून बनवलेला चविष्ट पदार्थ घरातील प्रत्येकाला खूप जास्त आवडेल. मशरूम चवीसोबतच शरीरासाठी सुद्धा खूप जास्त पौष्टिक असतात. त्यामुळे आहारात मशरूमचा समावेश करावा. चला तर जाणून घेऊया कढई मशरूम बनवण्याची सोपी कृती.(फोटो सौजन्य – pinterest)

वरण भातासोबत तोंडी लावण्यासाठी झटपट बनवा आंबटतिखट लिंबू मिरचीचं लोणचं, नोट करून घ्या रेसिपी

साहित्य:

• मशरूम
• लाल तिखट
• हळद
• तेल
• मीठ
• धणे
• जिरं
• बडीशेप
• लाल सुक्या मिरच्या
• शिमला मिरची
• कांदा
• टोमॅटो पेस्ट
• आलं लसूण पेस्ट

Rice Kheer Recipe : श्रावणी सोमवारी भगवान शिवाला अर्पण करा तांदळाची खीर, फार सोपी आहे रेसिपी

कृती:

• मशरूम कढई बनवण्यासाठी सर्वप्रथम, मशरूम पाण्याने स्वच्छ धुवून मध्यम आकारात तुकडे करून घ्या.
• तवा गरम करून त्यावर धणे, जिरं, बडीशेप आणि लाल मिरच्या भाजून बारीक पावडर करून घ्या.
• कढईमध्ये तेल गरम करण्यासाठी ठेवा. त्यानंतर त्यात कांदा, शिमला मिरची आणि मशरूम घालून मंद आचेवर फ्राय करा.
• भाजून घेतलेल्या भाज्या काढून त्याच कढईमध्ये तेल गरम करून त्यात बारीक चिरून घेतलेला कांदा, टोमॅटोची पेस्ट आणि आलं लसूण पेस्ट घालून मंद आचेवर भाजा.
• मिश्रणाला तेल सुटल्यानंतर त्यात हळद, तिखट, मीठ, तयार केलेला कढई मसाला घालून मंद आचेवर सर्व मिश्रण व्यवस्थित भाजून घ्या.
• त्यानंतर त्यात भाज्या घालून व्यवस्थित मिक्स करा. आवश्यकता वाटल्यास थोडस पाणी घालावे. कसुरी मेथी आणि चवीनुसार मीठ घालून मिक्स करा.
• तयार आहे सोप्या पद्धतीमध्ये बनवलेले कढई मशरूम.