चटपटीत पदार्थ खाण्याची इच्छा झाली आहे? मग सोप्या पद्धतीमध्ये घरी बनवा पॅटीस पाव, वाचा रेसिपी

सकाळच्या नाश्त्यात तुम्ही सोप्या पद्धतीमध्ये पॅटीस पाव बनवू शकता. हा पदार्थ बनवण्यासाठी जास्त वेळ लागत नाही. घाईगडबडीच्या वेळी झटपट काय बनवावे सुचत नसल्यास तुम्ही पॅटीस पाव बनवू शकता. जाणून घ्या रेसिपी.

सकाळच्या नाश्त्यात नेहमीच कांदापोहे, उपमा, शिरा किंवा इडली, डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी नेमकं काय बनवावं? हा प्रश्न सर्वच महिलांना पडतो. अनेक लोक घाईगडबडीमुळे सकाळचा नाश्ता करणे टाळतात. मात्र सकाळचा नाश्ता करणे टाळल्यामुळे शरीराला गंभीर आजाराची लागण लगेच होऊ शकते. त्यामुळे कोणत्या ना कोणत्या पदार्थांचे नाश्त्यात सेवन करावे. सकाळच्या वेळी पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. म्हणूनच आज आम्ही तुम्हाला सोप्या पद्धतीमध्ये चटपटीत पॅटीस पाव बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

सकाळचा नाश्ता होईल आणखीन चविष्ट! सोप्या पद्धतीमध्ये घरी बनवा कुरकुरीत टोमॅटो डोसा, वाचा रेसिपी

साहित्य:

• पाव
• बटाटा
• टोमॅटो
• लाल तिखट
• गरम मसाला
• मीठ
• तेल
• मोहरी
• कांदा
• टोमॅटो

कांदा भाजी खाऊन कंटाळा आला आहे? मग सोप्या पद्धतीमध्ये न थापता बनवा कुरकुरीत कोबीची वडी, नोट करा रेसिपी

कृती:

• पॅटीस पाव बनवण्यासाठी सर्वप्रथम, बटाटे स्वच्छ धुवून कुकरमधून वाफवून घ्या. त्यानंतर थंड करून त्यांची साल काढून घ्या.
• त्यानंतर मिक्सरच्या भांड्यात सुकलेल्या लाल मिरच्या आणि लसूण टाकून पेस्ट तयार करून घ्या.
• पॅनमध्ये तेल गरम करून त्यात मोहरी, जिरं आणि हिंग टाकून व्यवस्थित भाजून घ्या.
• नंतर त्यात लाल तिखट, हळद आणि शिजवून घेतलेले बटाटा टाकून मॅश करा. तयार केलेल्या भाजीचे छोटे छोटे टिक्की तयार करा.
• त्यानंतर पावाचे दोन तुकडे करून त्यात कांदा, टोमॅटो आणि बटाट्याची टिक्की भरून तव्यावर हलकेसे भाजून घ्या.
  तयार आहे सोप्या पद्धतीमध्ये बनवलेले बटाटा पॅटीस.