जेवणात तोंडी लावण्यासाठी ‘या’ पद्धतीने बनवा झटपट शेंगदाण्याची चटणी, भाकरी चपातीसोबत लागेल मस्त

शेंगदाण्याची चटणी सगळ्यांचं खूप आवडते. जेवणात तोंडी लावण्यासाठी जर शेंगदाण्याची चटणी असेल तर जेवणात दोन घास जास्त जातात. त्यामुळे सोप्या पद्धतीमध्ये शेंगदाण्याची चटणी कशी बनवायची याची सोपी रेसिपी.

दैनंदिन आहारात शेंगदाण्याचे सेवन करावे. यामुळे शरीरात निर्माण झालेली रक्ताची कमतरता भरून निघते. सर्वच ऋतूंमध्ये शेंगदाण्याचे सेवन केले जाते. शिवाय शेंगदाण्यापासून वेगवेगळे पदार्थ बनवले जातात. शेंगदाण्याची आमटी, शेंगदाण्याची चटणी, चिक्की इत्यादी अनेक पदार्थ बनवले जातात. त्यात सगळ्यांच्या आवडीचा पदार्थ म्हणजे शेंगदाण्याची चटणी. शेंगदाण्याची चटणी जेवणात असेल तर दोन घास जास्त जातात. ही चटणी तुम्ही भात, चपाती, भाकरी किंवा इतर पदार्थांसोबत खाऊ शकता. त्यामुळेच आज आम्ही तुम्हाला सोप्या पद्धतीमध्ये शेंगदाण्याची चटणी कशी बनवावी, याची सोपी रेसिपी सांगणार आहोत. शेंगदाण्याची चटणी बनवण्यासाठी कमी साहित्य लागत आणि कमीत कमी वेळात तयार होते. चला तर जाणून घेऊया रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• शेंगदाणे
• लसूण
• लाल मिरच्या
• जिरं
• आलं
• मीठ
• हिंग
• लाल तिखट
• हळद

नवनवीन रेसिपीसाठी इथे क्लिक करा

कृती:

• शेंगदाण्याची चटणी बनवण्यासाठी सर्वप्रथम, कढईमध्ये शेंगदाणे व्यवस्थित कुरकुरीत भाजून घ्या. शेंगदाणे भाजून थंड करून त्यांची साल काढा.
• त्याचं कढईमध्ये लाल मिरचीसुद्धा भाजून घ्या. लाल मिरच्या भाजून थंड करून घ्या.
• मिक्सरच्या भांड्यात भाजून घेतलेले शेंगदाणे, जिरं, लाल मिरच्या, आलं, लसूण पाकळ्या टाकून चटणी जाड बारीक वाटून घ्या.
• नंतर त्यात चवीनुसार मीठ, हिंग, हळद टाकून पुन्हा एकदा मिक्सरमधून फिरवून घ्या.
• तयार आहे सोप्या पद्धतीमध्ये बनवलेली शेंगदाण्याची चटणी.