१० मिनिटांमध्ये बनवा कोवळ्या हिरव्यागार हरबऱ्याची झणझणीत आमटी, जेवणात जातील दोन घास जास्त

दुपारच्या जेवणात भातावर नेमकं काय बनवायचं? असा प्रश्न सगळ्यांचं पडतो. अशावेळी तुम्ही सोप्या पद्धतीमध्ये हिरव्या हरभऱ्याची झटपट आमटी बनवू शकता. चला तर जाणून घेऊया हरभऱ्याची आमटी बनवण्याची सोपी रेसिपी.

१० मिनिटांमध्ये बनवा कोवळ्या हिरव्यागार हरबऱ्याची झणझणीत आमटी

Follow Us:

Follow Us:

हिवाळ्याच्या दिवसांमध्ये बाजारात अनेक वेगवेगळ्या प्रकारच्या भाज्या मिळतात. त्यातील सगळ्यांच्या आवडीची भाजी म्हणजे ओले हरभरे. ओले हरभरे थंडीच्या दिवसांमध्ये बाजारात मोठ्या प्रमाणावर उपलब्ध असतात. ओल्या हरभऱ्यांपासून अनेक वेगवेगळे पदार्थ बनवले जातात. भाजी, कटलेट इत्यादी पदार्थ बनवले जातात. हिरव्या हरभऱ्याच्या हरियालबूट किंवा टहाळ असे सुद्धा म्हणतात. अनेक घरांमध्ये हिरव्या हरभाऱ्यांपासून भाजी किंवा आमटी बनवली जाते. जेवणाच्या ताटात हिरव्या हरभऱ्याची आमटी असेल तर दोन घास जेवण जास्त जाते. त्यामुळे आज आम्ही तुम्हाला 10 मिनिटांमध्ये हिरव्या हरभऱ्याची आमटी कशी बनवायची, याची सोपी रेसिपी सांगणार आहोत. चला तर जाणून घेऊया हिरव्या हरभऱ्याची आमटी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• हिरवे हरभरे
• लसूण
• आलं
• हिरवी मिरची
• जिरं
• तेल
• मोहरी
• हिंग
• चवीनुसार मीठ

नवनवीन रेसिपीसाठी इथे क्लिक करा

कृती:

• हिरव्या हरभऱ्याची आमटी बनवण्यासाठी सर्वप्रथम, कढईमध्ये तेल गरम करण्यासाठी ठेवा. गरम तेलात हिरवे हरभरे व्यवस्थित परतवून घ्या.
• त्यानंतर त्याच कढईमध्ये लसूण, हिरव्या मिरच्या आणि आलं टाकून व्यवस्थित परतवून घ्या.
• थंड करून घेतल्यानंतर सर्व साहित्य मिक्सरच्या भांड्यात घेऊन जिरं टाकून व्यवस्थित बारीक वाटून घ्या.
• कढईमध्ये तेल गरम करून झाल्यानंतर त्यात मोहरी, हिंग टाकून फोडणी द्या. त्यानंतर त्यात तयार केलेला वाटण आणि चवीनुसार मीठ टाकून व्यवस्थित तेल सुटेपर्यंत भाजून घ्या.
• नंतर त्यात आवश्यकतेनुसार पाणी घालून आमटीला व्यवस्थित उकळी काढून घ्या.
• तयार आहे सोप्या पद्धतीमध्ये बनवलेली हिरव्या हरभऱ्याची आमटी.

Web Title: How to make harbhara amti at home winter special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com