साखर, मैद्याचा वापर न करता वाटीभर नाचणीच्या पिठापासून बनवा पौष्टिक वड्या, थकवा- अशक्तपणा होईल गायब

नाचणी शरीरासाठी खूप जास्त पौष्टिक असते. त्यामुळे उन्हाळ्याच्या दिवसांमध्ये शरीरात उष्णता टिकवून ठेवण्यासाठी नाचणीचे सेवन करावे. चला तर जाणून घेऊया नाचणीच्या वड्या बनवण्याची रेसिपी.

उन्हाळा ऋतूला सुरुवात झाल्यानंतर घामावाटे शरीरातील पाणी आणि आवश्यक क्षार बाहेर पडून जातात. ज्याच्या परिणामामुळे शरीरात थकवा, अशक्तपणा वाढू लागतो. तसेच शरीरात वाढलेली उष्णता कमी करण्यासाठी थंड पदार्थांचे सेवन करण्याचा सल्ला दिला जातो. आहारात ज्यूस, कोल्ड्रिंक इत्यादी पेयांसोबतच पौष्टिक पदार्थांचे सेवन करणे सुद्धा तितकेच आवश्यक आहे. बऱ्याचदा गोड पदार्थ खाण्याची इच्छा झाल्यानंतर चॉकलेट किंवा विकतची मिठाई आणून खाल्ली जाते. पण नेहमीच साखर आणि मैदा असलेल्या पदार्थांचे सेवन करण्याऐवजी नाचणीपासून घरीच बनवलेल्या पौष्टिक वड्यांचे सेवन करावे. आज आम्ही तुम्हाला सोप्या पद्धतीमध्ये साखर मैद्याचा वापर न करता नाचणीच्या पौष्टिक वड्या बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. उन्हाळ्यासाठी नाचणीच्या वड्या अतिशय गुणकारी ठरते. नाचणीच्या सेवनामुळे शरीराला भरमसाट फायदे होतात आणि आरोग्य सुधारते. उष्णता वाढल्यानंतर थकवा, अशक्तपणा जाणवू लागल्यास नाचणीपासून बनवलेल्या पदार्थांचे सेवन करावे. नाचणीमध्ये कॅल्शिअम आणि लोह मुबलक प्रमाणात आढळून येते, ज्यामुळे शरीरात वाढलेला अशक्तपणा कमी होतो. जाणून घ्या नाचणीच्या वड्या बनवण्याची सोपी रेसिपी.(फोटो सौजन्य – AI)

जेवणाची रंगत वाढवणारा टेस्टी पदार्थ! १० मिनिटांमध्ये झटपट बनवा झणझणीत हिरव्या मिरचीचे लोणचं, नोट करा रेसिपी

साहित्य:

• नाचणीचे पीठ
• गूळ
• सुका मेवा
• वेलची पावडर
• जायफळ पावडर
• डाळीव
• डेसिकेटेड कोकोनट

Jaggery: साखरेऐवजी मध-गूळ आहे उत्तम पर्याय? खरंच Diabetes रूग्ण खाऊ शकतात का, तज्ज्ञांचा सल्ला

कृती:

• नाचणीच्या वड्या बनवण्यासाठी सर्वप्रथम, कढईमध्ये तूप गरम करून त्यात नाचणीचे पीठ घालून मंद आचेवर खमंग भाजून घ्या.
• नाचणीचे पीठ व्यवस्थित भाजल्यास पदार्थाची चव अतिशय सुंदर लागेल आणि वड्या जास्त दिवस टिकून राहतील.
• त्यानंतर त्यात अर्धा वाटी डेसिकेटेड कोकोनट घालून भाजून घ्या. सर्व पदार्थ तुपात भाजल्यास सुंदर सुगंध येईल.
• त्यानंतर कढईमध्ये पुन्हा एकदा तूप टाकून फुटण्याची पावडर घालून भाजून घ्या. भाजलेले सर्व साहित्य थंड करण्यासाठी ठेवा.
• टोपात पाणी गरम करून त्यात वाटीभर गूळ घालून व्यवस्थित मिक्स करा. गुळाचा पाक तयार करून घ्या.
• तयार केलेल्या पाकात वेलची आणि जायफळ पावडर मिक्स करून घ्या आणि हळूहळू तयार केलेले नाचणीचे पीठ घालून मिक्स करा.
  त्यानंतर वरून तूप टाकून मिक्स करून घ्या. तयार केलेला पिठाचा गोळा तूप लावलेल्या ताटावर एकसमान थापून घ्या.
• त्यानंतर वरून बारीक केलेला सुका मेवा घालून हलक्या हाताने दाब द्या. यामुळे वड्यांमध्ये सुका मेवा मिक्स होईल.
• त्यानंतर सुरीच्या सहाय्याने वड्या कापून घ्या. तयार आहे सोप्या पद्धतीमध्ये बनवलेल्या पौष्टिक नाचणीच्या वड्या.