गरमागरम नाश्त्याने करा दिवसाची सुरुवात! वाटीभर रव्यापासून सकाळच्या नाश्त्यात बनवा मुलायम लुसलुशीत इडली, नोट करा रेसिपी

सकाळच्या नाश्त्यासाठी तुम्ही सोप्या पद्धतीमध्ये रव्याची इडली बनवू शकता. हा पदार्थ खोबऱ्याच्या चटणीसोबत किंवा सांबारसोबत अतिशय सुंदर लागेल. जाणून घ्या रव्याची इडली बनवण्याची सोपी रेसिपी.

रविवार म्हणजे सुट्टीचा दिवस. सुट्टीच्या दिवशी घरातील सगळीच कामे लेट असतात. दिवसाची सुरुवात उशिराने झाल्यामुळे नाश्त्यात काय बनवावं? असे अनेक प्रश्न महिलांना कायमच पडतात. सकाळच्या नाश्त्यात कांदापोहे, उपमा, शिरा, आप्पे इत्यादी पदार्थ खाऊन कंटाळा येतो. अशावेळी बाहेरून विकत आणलेले पदार्थ खाल्ले जातात. पण सकाळी उठल्यानंतर नाश्त्यात तिखट आणि तेलकट पदार्थ खाल्ल्यास अपचन होण्याची जास्त शक्यता असते. म्हणूनच आज आम्ही तुम्हाला वाटीभर रव्याचा वापर करून मऊ लुसलुशीत इडली बनवण्याची सोपी रेसिपी सांगणार आहोत. हा पदार्थ सकाळच्या घाईगडबडीमध्ये तुम्ही झटपट बनवू शकता. इडली खाल्ल्यामुळे शरीराला भरपूर पोषण मिळते. कमीत कमी साहित्य झटपट तयार होणारे पदार्थ बनवायला सगळ्यांचं खूप जास्त आवडत. याआधी तुम्ही कायमच तांदूळ आणि उडीद डाळीचा वापर करून बनवलेली इडली खाल्ली असेल. पण रव्याची इडली सुद्धा चवीला अतिशय सुंदर लागते. चला तर जाणून घ्या वाटीभर रव्याची चविष्ट इडली बनवण्याची सोपी रेसिपी.(फोटो सौजन्य – istock)

दिवसाची सुरुवात होईल उत्साहाने! सकाळच्या नाश्त्यासाठी १० मिनिटांमध्ये बनवा पौष्टिक रव्याचा चिल्ला

साहित्य:

• रवा
• दही
• मीठ
• बेकिंग सोडा
• उडीद डाळ
• मोहरी
• कढीपत्ता
• हिरवी मिरची
• पाणी

पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

कृती:

• रव्याची इडली बनवण्यासाठी सर्वप्रथम, मोठ्या टोपात स्वच्छ साफ केलेला रवा घेऊन त्यात वाटीभर दही आणि चवीनुसार मीठ घालून व्यवस्थित मिक्स करा.
• त्यानंतर त्यात आवश्यकतेनुसार पाणी घालून पीठ मिक्स करा. इडलीच्या पिठात अजिबात गुठळ्या ठेवू नये.
• तयार केलेले मिश्रण १० ते १५ मिनिटं झाकण मारून बाजूला ठेवून द्या. यामुळे पीठ छान फुलून येईल.
• फोडणीच्या वाटीमध्ये तेल गरम करून त्यात मोहरी, हिरवी मिरची, उडीद डाळ आणि कढीपत्त्याची पाने घालून भाजा. तयार केलेली फोडणी इडलीच्या मिश्रणात ओतून मिक्स करा.
• सगळ्यात शेवटी इनो टाकून इडलीचे पीठ तयार करा. इडली बनवण्यासाठी इडली पात्रात पाणी घालून वाफवण्यासाठी ठेवा.
• इडलीच्या भांड्याला तेल लावून त्यावर तयार केलेले मिश्रण ठेवून इडली वाफवण्यासाठी ठेवा. १५ मिनिटांनंतर गॅस बंद करून इडली काढून घ्या.
• तयार आहे सोप्या पद्धतीमध्ये बनवलेली रव्याची इडली. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.