पाणीपुरी खायची इच्छा झाली आहे? घरच्या घरी झटपट बनवा कैरी पुदिन्याचे चटकदार पाणी, नोट करून घ्या रेसिपी

नेहमीच बाजारात विकत मिळणारी पाणीपुरी खाण्याऐवजी घरी तुम्ही सोप्या पद्धतीमध्ये कैरी पुदिन्याचे चटकदार पाणी बनवू शकता. हे पाणी चवीला अतिशय सुंदर लागेल. जाणून घ्या कैरीचे पाणी बनवण्याची सोपी रेसिपी.

लहान मुलांपासून अगदी मोठ्यांपर्यंत सगळ्यांचं पाणीपुरी खायला खूप आवडते. पाणीपुरीचे नाव ऐकल्यानंतर अनेकांच्या तोंडाला पाणी सुटते. संध्याकाळच्या वेळी भूक लागल्यानंतर किंवा इतर वेळी काहींना काही चटकदार पदार्थ खाण्याची इच्छा झाल्यास पाणीपुरी खाल्ली जाते. पाणीपुरीचे तिखट आणि चिंच पाणी सगळ्यांचं आवडत. मात्र नेहमी नेहमी बाहेर गाडीवरील पाणी पुरी खाण्यापेक्षा घरी सोप्या पद्धतीमध्ये पाणीपुरी आणि पाणीपुरीसाठी लागणारे पाणी तुम्ही बनवू शकता. म्हणूनच आज आम्ही तुम्हाला सोप्या पद्धतीमध्ये कैरी पुदिन्याचे चटकदार पाणी बनवण्याची सोपी रेसिपी सांगणार आहोत. उन्हाळ्याच्या दिवसांमध्ये बाजारात कैरी मोठ्या प्रमाणावर उपलब्ध असते. त्यामुळे तुम्ही झटपट कैरीचे पाणी बनवू शकता.(फोटो सौजन्य – iStock)

सकाळच्या नाश्त्यात कोकणातील पारंपरिक पद्धतीमध्ये बनवा काकडीची भाकरी, उद्भवणार नाही पचनाची समस्या

साहित्य:

• कैरी
• हिरवी मिरची
• चाट मसाला
• मीठ
• पुदिना
• काळ मीठ
• साखर
• पाणी
• जिऱ्याची पावडर
• लिंबू
• कोथिंबीर
• बूंदी

कधीच उद्भवणार नाही पचनाची समस्या! रोजच्या आहारात करा पुदिना ताकाचे सेवन, शरीर राहील फ्रेश

कृती:

• कैरी पुदिन्याचे पाणी बनवण्यासाठी सर्वप्रथम, पुदिन्याची पाने स्वच्छ साफ करून धुवून घ्या.
• ताज्या कैरीची साल काढून बारीक तुकडे करून घ्या. पाणी तयार करताना नेहमी कैरीची साल काढून घ्या.
• मिक्सरच्या भांड्यात कैरीचे तुकडे. हिरवी मिरची, पुदिन्याची पाने आणि कोथिंबीर घालून आवश्यकतेनुसार पाणी घालून बारीक पेस्ट तयार करा.
• तयार केलेली पेस्ट मोठ्या टोपात काढून त्यात जिऱ्याची पावडर, चाट मसाला, काळ मीठ आणि गरजेनुसार पाणी घालून मिक्स करा.
• नंतर त्यात लिंबाचा रस टाकून बर्फाचे खडे टाकून पाणी पुरी सर्व्ह करा.
• थंड पाणी बनवल्यानंतर तुम्ही त्यात बुंदीसुद्धा टाकू शकता. यामुळे पदार्थाला चांगली चव येईल.