जेवणाच्या डब्यासाठी काय बनवावं सुचत नाही? मग १० मिनिटांमध्ये बनवा ढाबास्टाईल चमचमीत शेव भाजी, नोट करा रेसिपी

रोज त्याच ठराविक भाज्या खाऊन कंटाळा आल्यानंतर काहींना काही नवीन खाण्याची इच्छा झाल्यास सोप्या पद्धतीमध्ये तुम्ही ढाबा स्टाईलने चमचमीत शेव भाजी बनवू शकता. हा पदार्थ घरातील सगळ्यांचं खूप जास्त आवडेल.

सकाळच्या वेळी सगळ्यांचं खूप जास्त घाई असते. घाईच्या दिवशी जेवणाच्या डब्यात नेमकी काय भाजी बनवावी बऱ्याचदा सुचत नाही. अशावेळी एक तर बेसन पिठाची पोळी किंवा भाज्या बनवल्या जातात. पण नेहमीच्या त्याच ठराविक भाज्या खाऊन कंटाळा आल्यानंतर काहींना काही नवीन खाण्याची इच्छा झाल्यास तुम्ही डब्यासाठी शेव भाजी बनवू शकता. कांदा टोमॅटो आणि झणझणीत मसाल्यांचा वापर करून बनवलेली शेव भाजी चवीला अतिशय सुंदर लागते. हा पदार्थ पावसोबत सुद्धा मस्त लागतो. वेगवेगळ्या पद्धतीने बनवलेल्या भाज्या केवळ चवीसाठीच नाहीतर शरीरासाठी सुद्धा खूप जास्त गुणकारी असतात. जेवणाची चव वाढवण्यासाठी किंवा पाहुण्यांच्या स्वागतासाठी या पद्धतीने शेव भाजी बनवू शकता. सगळेच अतिशय आवडीने खातील. चला तर जाणून घेऊया रेसिपी.(फोटो सौजन्य – pinterest)

गणपती उत्सवात पारंपरिक पद्धतीने बनवा नैवेद्याच्या पानातील तोंडली भात, पदार्थ पाहताच क्षणी सुटेल तोंडाला पाणी

साहित्य:

• लाल शेव
• कांदा
• टोमॅटो
• लाल तिखट
• हळद
• कांदा लसूण मसाला
• मोहरी
• जिरं
• हिंग
• दही
• कढीपत्ता
• पाणी

रात्रीच्या शिल्लक राहिलेल्या चपात्यांपासून बनवा भन्नाट आणि चविष्ट नाश्ता, लहान मुलांच्या डब्यासाठी उत्तम पदार्थ

कृती:

• शेव भाजी बनवण्यासाठी सर्वप्रथम, कढईमध्ये तेल गरम करून त्यात हिंग, मोहरी, जिरं घालून भाजा. त्यानंतर त्यात कुटून घेतलेला लसूण घालून मंद आचेवर भाजा.
• त्यानंतर त्यात कांदा आणि टोमॅटो, चवीनुसार मीठ घालून मंद आचेवर शिजवा. दोन्ही पदार्थ व्यवस्थित शिजल्यानंतर त्यात वरून थोडीशी टोमॅटो पेस्ट घाला.
• त्यानंतर लाल तिखट, हळद, गरम मसाला आणि फेटून घेतलेले दही घालून व्यवस्थित मिक्स करा. तेल सुटेपर्यंत सर्व मसाले व्यवस्थित मंद आचेवर भाजा.
• त्यानंतर टोमॅटोचे मध्यम काप आणि कसुरी मेथी घालून मिक्स करा आणि झाकण ठेवून एक वाफ काढून घ्या.
• आवश्यकता वाटल्यास भाजीमध्ये पाणी मिक्स करू शकता. सगळ्यात शेवटी भाजी तयार झाल्यानंतर त्यात शेव घालून लगेच मिक्स करा.
• तयार आहे सोप्या पद्धतीमध्ये बनवलेली ढाबा स्टाईल झणझणीत शेव भाजी.