नवरात्रीच्या उपवासात सकाळच्या नाश्त्यात बनवा शिंगाडा पुरी, वाचा सोपी रेसिपी

नवरात्रीच्या उपवासात सकाळच्या नाश्त्यात नेमकं काय खावं? असा प्रश्न सगळ्यांचं पडतो. सतत साबुदाणा खिचडी आणि बटाटा भाजी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही नाश्त्यात शिंगाडा पुरी बनवू शकता. हा पदार्थ बनवण्यासाठी अगदी सोपा आहे. तसेच कमीत कमी वेळात तयार होतो. चला तर जाणून घेऊया शिंगाडा पुरी बनवण्याची सोपी रेसिपी.

नवरात्रीच्या उपवासात सकाळच्या नाश्त्यात बनवा शिंगाडा पुरी

Follow Us:

Follow Us:

शारदीय नवरात्री उत्सवाला राज्यभरात सगळीकडे सुरुवात झाली आहे. या दिवसांमध्ये देवीच्या नऊ रूपांची पूजा केली जाते. तसेच दररोज नवनवीन पदार्थांचा नैवेद्या दाखवला जातो. या दिवसांमध्ये मनोभावे उपवास केल्यानंतर देवी प्रसन्न होते, अशी मान्यता आहे. नवरात्रीच्या दिवसांमध्ये नऊ दिवस केलेला उपवास आरोग्यासाठी अतिशय गुणकारी आहे. नवरात्रीच्या उपवासात रोज नाश्त्यासाठी नेमकं काय खावं? असा प्रश्न सर्वच महिलांना पडतो. अशावेळी तुम्ही शिंगाडा पुरी बनवू शकता. शिंगाडा आरोग्यासाठी अतिशय पौष्टिक आहे. यामध्ये अनेक पोषक घटक आढळून येतात. शिंगाडा पुरी बनवण्यासाठी अतिशय सोपी आहे. कमीत कमी वेळात तयार होणारा पदार्थ सर्वच महिलांना बनवायला आवडतो. चला तर जाणून घेऊया शिंगाडा पुरी बनवण्याची रेसिपी.(फोटो सौजन्य-istock)

साहित्य:

• शिंगाड्याचे पीठ
• जिरे
• मीठ
• हिरवी मिरची
• तेल

हे देखील वाचा: नवरात्रीच्या उपवासात दुपारच्या नाश्त्यासाठी झटपट बनवा साबूदाणा रोल्स, वाचा सिंपल रेसिपी

कृती:

• शिंगाडा पुरी बनवण्यासाठी सर्वप्रथम ताटात शिंगाड्याचे पीठ घेऊन त्यात चवीनुसार मीठ टाकून मिक्स करून घ्या.
• नंतर त्यात बारीक चिरलेली हिरवी मिरची, जिऱ्याची पावडर आणि थोडस तेल टाकून पीठ मिक्स घ्या.
• नंतर त्यात आवश्यकतेनुसार पाणी घालून पीठ व्यवस्थित मळून घ्या.
• कढईमध्ये तेल गरम करा. पिठाचे छोटे छोटे गोळे करून बारीक पुऱ्या लाटून कढईमध्ये सोडा.
• दोन्ही बाजूने पुऱ्या व्यवस्थित भाजून घ्या.
• अशा पद्धतीने तयार आहे शिंगाड्याची पुरी. या पुऱ्या तुम्ही चहा किंवा दह्यासोबत खाऊ शकता.

Web Title: How to make shingada puri at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com