नैवेद्याच्या ताटातील पारंपरिक पदार्थ! बेसनचा वापर न करता झटपट बनवा चविष्ट भरलेली मिरची, नोट करून घ्या रेसिपी

आज आम्ही तुम्हाला सोप्या पद्धतीमध्ये भरलेली मिरची बनवण्याची रेसिपी सांगणार आहोत. हा पदार्थ चवीला अतिशय सुंदर लागतो. याशिवाय नैवेद्याच्या ताटात भरलेली मिरची आवर्जून बनवली जाते.

सणासुदीच्या दिवसांमध्ये घरात गोडाच्या पदार्थांसोबतच विविध पारंपरिक पदार्थ सुद्धा बनवले जातात. नैवेद्याच्या ताटात डाळभात, भाजी, चटणी, भरलेली मिरची, गोडाचे पदार्थ इत्यादी अनेक पदार्थ ठेवले जातात. त्यात आवर्जून बनवला जाणारा पदार्थ म्हणजे भरलेली हिरवी मिरची. कायमच बेसनच्या पिठाचा वापर करून मिरची तयार केली जाते. पण आज आम्ही तुम्हाला बेसनाचा वापर न करता पारंपरिक पद्धतीने भरलेली मिरची बनवण्याची सोपी रेसिपी सांगणार आहोत. या पद्धतीने बनवलेली मिरची चवीला अतिशय सुंदर लागते. तसेच मिरची बनवताना पाण्याचा अजिबात वापर न केल्यास पदार्थ दोन ते तीन दिवस व्यवस्थित टिकून राहतो. भरलेली मिरची असेल तर भाजी बनवण्याची कोणतीही आवश्यकता नाही. चला तर जाणून घेऊया रेसिपी.(फोटो सौजन्य – pinterest)

Ukadiche Modak Recipe: मोदकांना द्या सुंदर कळीदार आकार! प्लास्टिकच्या पिशवीची ही ट्रिक पाहून तुम्हीही म्हणाल ‘वा!’

साहित्य:

• हिरवी मिरची
• शेंगदाणे
• सुक खोबर
• लसूण
• पांढरे तीळ
• काळीमिरी
• लाल तिखट
• हळद
• आमचूर पावडर
• गूळ
• मीठ
• तेल
• कढीपत्ता

Cheesy Paneer Bread Roll : संध्याकाळच्या नाश्ता बनवा रंगतदार, नोट करा ‘चीजी पनीर ब्रेड’ रोल रेसिपी

कृती:

• चमचमीत भरलेली मिरची बनवण्यासाठी सर्वप्रथम, हिरवी मिरची पाण्याने स्वच्छ धुवून कोरडी करून घ्या. त्यानंतर मिरचीच्या आतील बिया काढा.
• तवा गरम करून त्यावर सुक खोबर, शेंगदाणे वेगवेगळे भाजा. त्यानंतर त्याच तव्यावर लसूण पाकळ्या, पांढरे तीळ, काळीमिरी दाणे, मेथी दाणे, बडीशेप, जिरे, धणे, कढीपत्त्याची पाने घालून सर्व साहित्य लालसर होईपर्यंत मंद आचेवर भाजून घ्या.
• भाजून घेतलेले मिश्रण मिक्सरच्या भांड्यात टाकून जाडसर बारीक वाटून घ्या. तयार केलेले मिश्रण ताटात काढा.
• त्यानंतर त्यात चवीनुसार मीठ, हळद लाल तिखट मसाला, हिंग, आमचूर पावडर, गूळ घालून व्यवस्थित मिक्स करा.
• तयार केलेले मिश्रण मिरचीमध्ये भरून घ्या आणि गरम तेलात दोन्ही बाजूने मंद आचेवर कुरकुरीत होईपर्यंत भाजा.
• तयार आहे झटपट बनवलेली चविष्ट भरलेली मिरची. हा पदार्थ वरण भातासोबत अतिशय सुंदर लागतो.