संध्याकाळच्या जेवणात काय बनवावं सुचत नाही? झटपट बनवा चिंच गुळाची आंबट तिखट आमटी, नोट करून घ्या पदार्थ

जेवणात नेहमीच डाळ खाऊन कंटाळा आल्यास तुम्ही सोप्या पद्धतीमध्ये चिंच गुळाची झणझणीत आमटी बनवू शकता. ही आमटी चवीला अतिशय सुंदर लागते. चला तर जाणून घेऊया चिंच गुळाची आमटी बनवण्याची सोपी रेसिपी.

रात्रीच्या जेवणात बऱ्याचदा डाळ किंवा तिखट आमटी बनवली जाते. मुगाची आणि तूरडाळची वापरून बनवलेली डाळ चवीला अतिशय सुंदर आणि चविष्ट लागते. मात्र नेहमीच साधे वरण खाऊन कंटाळा आल्यानंतर काहींना काही चमचमीत पदार्थ खाण्याची इच्छा होते. अशावेळी तुम्ही झटपट चिंच गुळाची आंबट गोड आमटी बनवू शकता. आंबट तिखट आमटी जेवणात असेल तर चार घास जेवण जास्त जात. आंबट तिखट आमटी तुम्ही चपाती, भाकरी आणि भातासोबत खाऊ शकता. घरातील लहान मुलांपासून अगदी मोठ्यांपर्यंत सगळ्यांचं तुम्ही बनवलेली चिंच गुळाची आमटी खूप जास्त आवडेल. गूळ आणि चिंच आरोग्यासाठी गुणकारी असतात. गूळ खाल्यामुळे शरीरात थंडावा निर्माण होतो, तर चिंच खाल्यामुळे पचनाची समस्या उद्भवत नाही. चला तर जाणून घेऊया चिंच गुळाची आंबट तिखट आमटी बनवण्याची सोपी रेसिपी.(फोटो सौजन्य – iStock)

पारंपरिक पद्धतीमध्ये झटपट बनवा झणझणीत कांदा लसूण मसाला, जेवणाला येईल चटकदार चव

साहित्य:

• शिजवलेले तूर आणि मुगाची डाळ
• चिंच
• गूळ
• लाल तिखट
• हळद
• तेल
• मोहरी
• जिरं
• कढीपत्ता
• गोडा मसाला
• कोथिंबीर
• गरम मसाला

शरीर ताजेतवाने आणि फ्रेश ठेवण्यासाठी घरी बनवा थंडगार लिची सरबत, लहान मुलांसह मोठ्यांनाही आवडेल

कृती:

• आंबट तिखट चिंच गुळाची आमटी बनवण्यासाठी सर्वप्रथम, कुकरमध्ये अर्धा वाटी मुगडाळ आणि अर्धा वाटी तूरडाळ घेऊन काहीवेळ भिजत ठेवा.
• त्यानंतर कुकरमध्ये पाणी घालून शिट्ट्या काढून डाळ शिजवा. वाटीभर पाण्यात चिंच भिजण्यासाठी ठेवा.
• कढईमध्ये तेल गरम करून त्यात मोहरी, जिरं आणि बारीक चिरुन घेतलेली लसूण टाकून भाजा. नंतर त्यात कढीपत्ता घाला.
• नंतर त्यात लाल तिखट आणि हळद घालून मिक्स करा. त्यानंतर त्यात खोबऱ्याच्या वाटपाचा मसाला घालून भाजून घ्या.
• मसाला शिजल्यानंतर त्यात मिक्स करून घेतलेली डाळ घालून व्यवस्थित उकळी काढून घ्या.
• उकळी आल्यानंतर त्यात चिंचेचा रस, बारीक चिरून घेतलेला गूळ आणि चवीनुसार मीठ घालून मिक्स करा.
• डाळीला व्यवस्थित उकळी आल्यानंतर सगळ्यात शेवटी बारीक चिरलेली कोथिंबीर घालून सर्व्ह करा. तयार आहे सोप्या पद्धतीमध्ये बनवलेली आंबट गोड चिंच आमटी.