रात्रीच्या जेवणात सोप्या पद्धतीमध्ये झटपट बनवा टोमॅटोचा आंबटगोड सार, भातासोबत करा चविष्ट बेत

जेवणात नेहमीच डाळ किंवा आमटी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी सोप्या पद्धतीमध्ये तुम्ही टोमॅटोचा सार बनवू शकता. जाणून घेऊया टोमॅटोचा सार बनवण्याची सोपी रेसिपी.

चवीला आंबटगोड लागणारे टोमॅटो आरोग्यासाठी अतिशय पौष्टिक आहेत. जेवणातील प्रत्येक पदार्थ बनवताना टोमॅटोचा वापर केला जातो. जेवणाचा सुगंध, चव वाढवण्यासाठी टोमॅटोचा वापर केला जातो. नेहमीच भातासोबत डाळ किंवा तिखट वरण खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये टोमॅटोचा आंबटगोड सार बनवू शकता. लहान मुलांपासून अगदी मोठ्यांपर्यंत सगळ्यांचं टोमॅटोचा सार खायला खूप आवडतो. जेवणात भात, टोमॅटोचा सार आणि मच्छी असेल तर जेवण जेवल्यासारखे वाटते. टोमॅटोचा सार चवीला अतिशय सुंदर लागतो. त्यामुळे वारंवार डाळ किंवा इतर तिखट पदार्थ खाऊन कंटाळा आल्यानंतर तुम्ही टोमॅटोचा आंबटगोड सार बनवू शकता. चला तर जाणून घेऊया टोमॅटोचा सार बनवण्याची सोपी रेसिपी.(फोटो सौजन्य – iStock)

उष्माघाताच्या समस्येपासून आराम मिळवण्यासाठी सोप्या पद्धतीमध्ये घरी बनवा आंबटगोड जलजिरा, नोट करा रेसिपी

साहित्य:

• टोमॅटो
• लाल तिखट
• लाल तिखट
• पाणी
• तेल
• ओलं खोबरं
• मीठ
• हळद
• कोकम
• कढीपत्ता
• गूळ
• तमालपत्र
• मोहरी
• हिंग

कडक उन्हाळ्यात ५ मिनिटांमध्ये घरी बनवा गोव्यातील पारंपरिक पद्धतीमध्ये फुटी कढी, नोट करून घ्या रेसिपी

कृती:

• टोमॅटोचा सार बनवण्यासाठी सर्वप्रथम, टोमॅटो स्वच्छ धुवून त्यांचे चार तुकडे करून पाण्यात शिजण्यासाठी ठेवा.
• मिक्सरच्या भांड्यात भिजवलेले धणे, ओलं खोबर, लसूण पाकळ्या आणि चिंच घालून बारीक पेस्ट बनवा.
• त्यानंतर शिजलेले टोमॅटो थंड करून त्यांची पेस्ट बनवून घ्या.
• टोमॅटोचा सार बनवताना टोपात तेल गरम करून त्यात तमालपत्र, मोहरी, कढीपत्ता आणि हिंग घालून भाजा.
• नंतर त्यात बारीक करून घेतलेला लसूण टाका. वरून हळद आणि लाल तिखट घालून मिक्स करून घ्या.
• मिक्स करून झाल्यानंतर टोमॅटोची तयार केलेली पेस्ट आणि खोबऱ्याचं वाटण टाकून भाजून घ्या.
• वाटणाला व्यवस्थित तेल सुटल्यानंतर त्यात कोमट पाणी आणि चवीनुसार मीठ घालून मिक्स करून घ्या.
• टोमॅटोच्या साराला उकळी आल्यानंतर त्यात आवडीनुसार गूळ घालून मिक्स करा.
• तयार आहे सोप्या पद्धतीमध्ये बनवलेला टोमॅटोचा आंबटगोड सार.