आंबोळ्यांसोबत चटणी खाऊन कंटाळा आहे? अस्सल मालवणी पद्धतीमध्ये बनवा काळ्या वाटण्याची चविष्ट उसळ

आंबोळ्यांसोबत बऱ्याचदा अनेक घरांमध्ये चटणी बनवली जाते. मात्र नेहमीच तेच खाऊन कंटाळा आल्यानंतर तुम्ही अस्सल मालवणी पद्धतीमध्ये काळ्या वाटाण्याची उसळ बनवू शकता. जाणून घ्या चविष्ट रेसिपी.

सकाळच्या नाश्त्यात किंवा इतर वेळी अनेक घरांमध्ये आंबोळी हा पदार्थ बनवला जातो. आंबोळी बनवल्यानंतर त्यासोबत खोबऱ्याची चटणी किंवा नारळाचे दूध खाण्यास दिले जाते. पण कोकणातील प्रत्येक घरात आंबोळया बनवल्यानंतर त्यासोबत खाण्यासाठी काळ्या वाटण्याची उसळ बनवली जाते. आंबोळी आणि काळ्या वाटण्याची उसळ हे कॉम्बिनेशन चवीला अतिशय सुंदर लागते. मात्र काहीवेळा मालवणी पद्धतीमध्ये बनवली जाणारी काळ्या वाटण्याची उसळ घरात व्यवस्थित बनत नाही. त्यामुळे आज आम्ही तुम्हाला अस्सल मालवणी पद्धतीने बनवली जाणारी काळ्या वाटण्याची उसळ बनवण्याची सोपी रेसिपी सांगणार आहोत. या पद्धतीमध्ये काळ्या वाटण्याची उसळ चवीला अतिशय सुंदर लागेल. या उसळ सोबत तुम्ही भात, भाकरी किंवा इतर कोणतेही पदार्थ खाऊ शकता. चला तर जाणून घेऊया काळ्या वाटण्याची उसळ बनवण्याची सोपी रेसिपी.

Muramba Recipe: कच्च्या कैरीपासून घरी बनवा आंबट गोड मुरांबा; जाणून घ्या पारंपरिक रेसिपी

साहित्य:

• भिजवलेले काळे वाटाणे
• कांदा
• टोमॅटो
• लाल तिखट
• हळद
• मीठ
• तेल
• सुकं खोबर
• कढीपत्ता
• लसूण
• आलं

कडक उन्हाळ्यात १० मिनिटांमध्ये बनवा शरीर थंड राहण्यासाठी बनवा ताडगोळ्यांचे सरबत, किडनीचे आरोग्य राहील निरोगी

कृती:

• काळ्या वाटण्याची उसळ बनवताना सर्वप्रथम, कढईमध्ये किसून घेतलेलं सुक खोबर भाजून घ्या. त्यानंतर कढईमध्ये तेल टाकून त्यात आलं, लसूण आणि कांदा टाकून भाजून घ्या. नंतर त्यात भाजून घेतलेलं सुकं खोबर टाका.
• तयार केलेला मसाला मिक्सरच्या भांड्यात घेऊन बारीक वाटून घ्या. मसाला वाटताना त्यात तुम्ही थोडेसे पाणी टाकू शकता.
• कढईमध्ये तेल गरम करून त्यात कढीपत्ता आणि बारीक ठेचून घेतलेली लसूण टाका भाजा. नंतर त्यात बारीक चिरून घेतलेला कांदा आणि टोमॅटो टाकून चवीनुसार मीठ टाकून कांदा शिजवून घ्या.
• नंतर त्यात हळद, लाल तिखट, गरम मसाला टाकून व्यवस्थित शिजवून घ्या. नंतर त्यात बारीक वाटून घेतलेला मसाला टाकून भाजा.
• भाजून घेतलेल्या मसाल्याला तेल सुटल्यानंतर त्यात शिजवून घेतलेले काळे वाटाणे टाकून व्यवस्थित उसळ शिजवून घ्या.
• ५ ते १० मिनिटं काळ्या वाटण्याची उसळ शिजल्यानंतर सगळ्यात शेवटी वरून कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेली अस्सल काळ्या वाटाण्याची उसळ.