चंपाषष्ठीनिमित्त अस्सल पारंपरिक पद्धतीमध्ये बनवा झणझणीत वांग्याचं भरीत, नोट करून घ्या रेसिपी

आज आम्ही तुम्हाला अस्सल गावरान पद्धतीमध्ये वांग्याचं भरीत बनवण्याची सोपी रेसिपी सांगणार आहोत. हा पदार्थ चंपाषष्ठीनिमित्त नैवेद्यासाठी प्रत्येक घरात बनवला जातो.

प्रत्येक घराघरात चंपाषष्ठी मोठ्या आनंद आणि उत्साहात साजरा केली जाते. यादिवशी खंडोबासाठी नैवेद्य बनवला जातो. प्रत्येक गावात वेगवेगळ्या पद्धतीने सण उत्सव साजरा केले जातात. नैवेद्यासाठी अनेक वेगवेगळे पदार्थ बनवले जातात. वांग्याचं भरीत, भाकरी, कांद्याची पात असलेली भाजी इत्यादी अनेक पदार्थ या दिवशी घरात बनवले जातात. म्हणूनच आज आम्ही तुम्हाला अस्सल पारंपरिक पद्धतीमध्ये वांग्याचं भरीत बनवण्याची सोपी रेसिपी सांगणार आहोत. वांग्याचं भरीत खायला अनेकांना आवडत नाही. पण नैवेद्यासाठी बनवले पदार्थ सगळेच आवडीने खातात. अनेक भागांमध्ये गोड पदार्थांचा नैवेद्य दाखवला जातो. गोड पदार्थांमध्ये प्रामुख्याने पुरणपोळी किंवा खीर बनवली जाते. चुलीवर भाजलेल्या वांग्याची चव अतिशय सुंदर लागते. कमीत कमी वेळात वांग्याचे भरीत तयार होते. चला तर जाणून घेऊया अस्सल गावरान पद्धतीमध्ये वांग्याचं भरीत बनवण्याची सोपी रेसिपी.(फोटो सौजन्य – pinterest)

डाळ तांदूळ न आंबवता १० मिनिटांमध्ये हिरव्या मुगांपासून बनवा कुरकुरीत डोसा, झटपट तयार होणारी सोपी रेसिपी

साहित्य:

• वांग
• कांदा
• लसूण
• हिरवी मिरची
• कोथिंबीर
• हळद
• तेल
• शेंगदाण्याचा कूट
• लाल तिखट

Recipe : रेस्टॉरंटसारखी चमचमीत ग्रेव्ही आता घरीच बनवा, व्हेज-नॉनव्हेज कोणत्याही भाजीत करता येईल वापर

कृती:

• गावरान पद्धतीमध्ये वांग्याचं भरीत बनवण्यासाठी मोठी वांगी स्वच्छ धुवून घ्या. त्यानंतर त्यांना तेल लावून सूरी किंवा काट्याच्या चमच्याने कट मारून घ्या. यामुळे वांगी व्यवस्थित शिजतात.
• गॅसवर वांगी व्यवस्थित खरपूस भाजून घ्या. वांग्यांची साल काळी होईपर्यंत वांगी व्यवस्थित शिजवा.
• कढईमध्ये तेल गरम करून त्यात बारीक चिरून घेतलेला लसूण, हिरवी मिरची आणि बारीक चिरलेला कांदा घालून व्यवस्थित भाजा. कांदा लवकर शिजण्यासाठी त्यात चवीनुसार मीठ घालून मिक्स करा.
• कांदा व्यवस्थित शिजल्यानंतर त्यात लाल तिखट आणि हळद घालून मिक्स करा. मसाले शिजल्यानंतर भाजून घेतलेले वांग आणि शेंगदाण्याचा कूट घालून मंद आचेवर भरीत शिजवा.
• ५ मिनिटं झाल्यानंतर त्यात बारीक चिरून घेतलेली कोथिंबीर टाकून व्यवस्थित मिक्स करा. तयार आहे सोप्या पद्धतीमध्ये बनवलेले वांग्याचे भरीत.