उरलेल्या चपातीला द्या हटके ट्विट्स! सकाळच्या नाश्त्यात ५ मिनिटांमध्ये बनवा चविष्ट रॅप, नोट करा रेसिपी

रात्रीच्या जेवणातील उरलेल्या पोळ्या फेकून दिल्या जातात, मात्र असे न करता तुम्ही सोप्या पद्धतीमध्ये चविष्ट रॅप बनवू शकता. हा पदार्थ लहान मुलांना खूप जास्त आवडेल. चला तर जाणून घेऊया चविष्ट रॅप बनवण्याची सोपी कृती.

जेवणाच्या ताटात चपाती हा पदार्थ नेहमीच असतो. सकाळ, दुपार आणि संध्याकाळच्या जेवणात भाजीसोबत चपातीचे सेवन केले जाते. याशिवाय शाळेतील मुलांच्या डब्यात किंवा ऑफिसच्या डब्यात सुद्धा चपाती भाजी खाल्ली जाते. मात्र बऱ्याचदा रात्रीच्या वेळी शिल्लक राहिलेली चपाती खाल्ली जात नाही. चपाती फेकून दिली जाते. मात्र असे न करता चपातीपासून वेगवेगळे पदार्थ बनवावे. शिळ्या चपात्या अनेक लोक प्राण्यांना खाऊ घालतात. म्हणूनच आज आम्ही तुम्हाला शिळ्या चपातीपासून लहान मुलांच्या नाश्त्यात किंवा डब्यात देण्यासाठी सोप्या पद्धतीमध्ये चविष्ट रॅप बनवण्याची सोपी रेसिपी सांगणात आहोत. हा रॅप बनवताना वेगवेगळ्या भाज्यांचा वापर केला जातो. त्यामुळे मुलांच्या पोटात भाज्या जातात. चला तर जाणून घेऊया चपातीपासून चविष्ट रॅप बनवण्याची सोपी रेसिपी.(फोटो सौजन्य – pinterest)

सकाळच्या नाश्त्यासाठी १० मिनिटांमध्ये बनवा हेल्दी काजू शेक, दिवसभर टिकून राहील शरीरात ऊर्जा

साहित्य:

• शिल्लक राहिलेल्या चपात्या
• कांदा
• टोमॅटो
• कोबी
• बेसन
• दही
• चीज
• लाल तिखट
• चाट मसाला
• गरम मसाला
• तेल
• कोथिंबीर
• तेल

पारंपरिक पद्धतीने घरीच बनवा चवदार रसाळ शहाळ्याची भाजी, चवीला लागेल सुंदर पदार्थ

कृती:

• चविष्ट रॅप बनवण्यासाठी सर्वप्रथम, पॅनमध्ये तेल गरम करून त्यात कांदा टाकून भाजून घ्या. त्यानंतर त्यात चवीनुसार मीठ घाला.
• त्यानंतर त्यात शिमला मिरची आणि टोमॅटो घालून शिजवून घ्या. भाज्या शिजल्यानंतर त्यात लाल तिखट, हळद आणि चाट मसाला घालून मिक्स करा.
• त्यानंतर त्यात बारीक तुकडे केलेले पनीर टाकून मिक्स करून घ्या. सगळ्यात शेवटी वरून बारीक चिरलेली कोथिंबीर घालून मिक्स करा.
• वाटीमध्ये दही आणि बेसन घेऊन मिश्रण तयार करा. तयार केलेल्या मिश्रणाच्या अजिबात गुठळ्या होऊ देऊ नयेत.
• शिल्लक राहिलेली चपाती तयार केलेल्या मिश्रणात बुडवून पॅनमध्ये तेल गरम करून भाजून घ्या. चपातीला जास्त मिश्रण लावू नये.
• भाजून घेतलेल्या चपातीवर तयार केलेले भाज्यांचे मिश्रण ठेवून सगळीकडे पसरवा. त्यानंतर त्यात बारीक चिरलेला कांदा घालून वरून किसलेले चीज टाकून रोल तयार करा.
• पॅनमध्ये पुन्हा एकदा रॅप भाजून दोन तुकडे करा. तयार आहे सोप्या पद्धतीमध्ये बनवलेले चविष्ट रॅप.