सकाळच्या नाश्त्यात झटपट बनवा कुळीथाच्या पीठाचे पौष्टिक थालीपीठ, वाचा सोपी रेसिपी

थालीपीठ तुम्ही बाहेर प्रवासाला गेल्यानंतर किंवा डब्यात बनवून नेऊ शकता. थालीपीठ वेगवेगळ्या प्रकारच्या भाज्या घालूनसुद्धा बनवले जातात. चला तर जाणून घेऊया सोप्या पद्धतीमध्ये कुळीथ पिठाचे थालीपीठ बनवण्याची रेसिपी.

सकाळच्या नाश्त्यात अनेक घरांमध्ये पोहे, उपमा, शिरा, इडली, डोसा इत्यादी ठराविक पदार्थ बनवले जातात. नेहमी नेहमी तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही कुळीथ पिठापासून चविष्ट थालीपीठ बनवू शकता. थालीपीठ हा पदार्थ लहान मुलांपासून मोठ्यांपर्यंत सगळ्यांचं आवडतो. थालीपीठ तुम्ही बाहेर प्रवासाला गेल्यानंतर किंवा डब्यात बनवून नेऊ शकता. थालीपीठ वेगवेगळ्या प्रकारच्या भाज्या घालूनसुद्धा बनवले जातात. शिवाय संध्याकाळच्या नाश्त्यात छोटी मोठी भूक लागल्यानंतर तुम्ही नाश्त्यात थालीपीठ बनवू शकता. त्यामुळे आज आम्ही तुम्हाला कुळीथाच्या पिठापासून चविष्ट थालीपीठ बनवण्याची सोपी रेसिपी सांगणार आहोत. जाणून घेऊया रेसिपी.(फोटो सौजन्य – iStock) 

नवनवीन रेसिपीसाठी इथे किल्क करा

साहित्य:

• कुळीथ पीठ
• मीठ
• लाल तिखट
• कांदा
• गाजर
• तांदळाचे पीठ
• थालीपीठ भाजणी
• आलं लसूण पेस्ट
• हिरवी मिरची
• हळद
• तेल

नवनवीन रेसिपीसाठी इथे किल्क करा

• कुळीथाच्या पिठाचे थालीपीठ बनवण्यासाठी, सर्वप्रथम ताटात थालीपीठ भाजणी घेऊन त्यात तांदळाचे पीठ, कुळीथाचे पीठ टाकून मिक्स करून घ्या.
• नंतर त्यात चवीनुसार मीठ टाकून बारीक चिरून घेतलेला कांदा, गाजर, कोथिंबीर, हिरवी मिरची, आलं लसूण पेस्ट टाकून मिक्स करून घ्या.
• त्यानंतर त्यात लाल तिखट, हळद, गरम मसाला, धणे जिऱ्याची पावडर, दही टाकून व्यवस्थित मिक्स करून घ्या.
• तयार केलेल्या मिश्रणात आवश्यकतेनुसार पाणी घालून पीठ मळून घ्या.
• थालीपीठाच्या पिठाचे छोटे छोटे गोळे करून थालीपीठ बनवून तव्यावर भाजण्यासाठी टाका.
• दोन्ही बाजूने खमंग भाजल्यानंतर वरून तूप किंवा तेल लावा.
• तयार आहे सोप्या पद्धतीमध्ये बनवलेले कुळीथाच्या पिठाचे थालीपीठ.