वजन कमी करण्याचा प्रयत्न करत असाल तर सकाळच्या नाश्त्यासाठी बनवा कुरकुरीत मसूर डाळीचा डोसा, नोट करून घ्या रेसिपी

वजन कमी करताना सकाळच्या नाश्त्यात कोणता पदार्थ बनवून खावा, बऱ्याचदा सुचत नाही. अशावेळी तुम्ही सोप्या पद्धतीमध्ये मसूर डाळीचा डोसा बनवून खाऊ शकता. हा पदार्थ चवीला अतिशय सुंदर लागतो.

वजन वाढल्यानंतर ते कमी करण्यासाठी अनेक वेगवेगळे उपाय केले जातात. कधी तासनतास व्यायाम केला जातो तर कधी बाजारात उपलब्ध असलेले वेगवेगळे सप्लिमेंट्स प्यायले जातात. पण हानिकारक घटकांचा वापर करून बनवलेले सप्लिमेंट्स प्यायल्यामुळे शरीराला गंभीर आजारांची लागण होऊ शकते. त्यामुळे आहारात पौष्टिक आणि सहज पचन होणाऱ्या पदार्थांचे सेवन करावे. आज आम्ही तुम्हाला सोप्या पद्धतीमध्ये मसूर डाळीचा डोसा बनवण्याची रेसिपी सांगणार आहोत. हा डोसा सकाळचा नाश्ता खावा. यामुळे पोट सुद्धा भरलेले राहते आणि लवकर खाण्याची इच्छा होत नाही. सकाळच्या नाश्त्यात कायमच हेल्दी आणि टेस्टी पदार्थांचे सेवन करावे. अन्यथा आरोग्य बिघडण्याची जास्त शक्यता असते. सकाळच्या वेळी उपाशी राहिल्यास शरीराला गंभीर आजाराची लागण होऊ शकते. चला तर जाणून घेऊया मसूर डाळीचा डोसा बनवण्याची सोपी कृती.(फोटो सौजन्य – pinterest)

Stuffed Shimla Mirchi Recipe : भाजी खाऊन कंटाळा आला? घरी बनवा गावराण स्टाईन भरलेली शिमला मिरची

साहित्य:

• मसूर डाळ
• मीठ
• तेल
• हिरवी मिरची
• दही
• आल्याचा तुकडा
• लसूण पाकळ्या
• कोथिंबीर
• रवा

नारळी पौर्णिमेनिमित्त आगरी पद्धतीने बनवा खमंग चविष्ट नारळी भात, पदार्थ खाल्ल्यानंतर सगळेच करतील गोड कौतुक

कृती:

• मसूर डाळीचा डोसा बनवण्यासाठी सर्वप्रथम, मसूर डाळ स्वच्छ पाण्याने धुवून घ्या आणि काहीवेळ पाण्यात भिजत ठेवा.
• मिक्सरच्या भांड्यात भिजवलेली मसूर डाळ, आलं आणि हिरवी मिरची घालून बारीक वाटून घ्या.
• त्यानंतर त्यात लसूण पाकळ्या, रवा, जिरं, कोथिंबीर घालून पुन्हा एकदा बारीक वाटून घ्या.
• तयार केलेली पेस्ट वाटीमध्ये काढून त्यात दही आणि चवीनुसार मीठ घालून व्यवस्थित मिक्स करा. तयार केलेल्या मिश्रणात आवश्यकता वाटल्यास पाणी घालावे.
• पॅन गरम करून त्यावर एकसमान तेल लावा. त्यानंतर तयार केलेले मिश्रण गोलाकार पसरवून घ्या आणि दोन्ही बाजूने कुकरकुरीत होईपर्यंत भाजा.
• तयार आहे सोप्या पद्धतीमध्ये बनवलेला मसूर डाळीचा डोसा. हा पदार्थ खोबऱ्याच्या चटणीसोबत अतिशय सुंदर लागेल.