उन्हाळ्यात हलके पदार्थ खाण्याची इच्छा झाल्यास झटपट बनवा कलिंगड मक्याचे सॅलड, पचनक्रिया राहील सुरळीत

उन्हाळा ऋतूला सुरुवात झाल्यानंतर आहारात हलक्या पदार्थांचे सेवन करावे. म्हणूनच आज आम्ही तुम्हाला सोप्या पद्धतीमध्ये कलिंगड मक्याच्या दाण्यांचे सॅलड बनवू शकता.

तीव्र उष्णता आणि सतत येणाऱ्या घामामुळे शरीरात खूप जास्त थकवा, अशक्तपणा जाणवू लागतो. बऱ्याचदा भूक लागल्यानंतर वेगवेगळ्या टेस्टी पदार्थाचे सेवन केले जाते. दुपारच्या जेवणात किंवा संध्याकाळच्या नाश्त्यात तिखट आणि अतिमसालेदार पदार्थ आणून खाल्लेले जातात. पण हे पदार्थ खाल्ल्यानंतर पोटात उष्णता वाढते आणि अपचनाच्या समस्या वाढून आरोग्य बिघडून जाते. त्यामुळे संध्याकाळच्या वेळी लागलेली हलकी भूक भागवण्यासाठी घरच्या घरी कलिंगड मक्याचे सॅलड बनवावे. सॅलड खाल्ल्यामुळे पोट सुद्धा दीर्घकाळ भरलेले राहते आणि पचनक्रिया सुद्धा सुरळीत चालू राहते. उन्हाळ्याच्या दिवसांमध्ये बाजारात कलिंगड उपलब्ध असतात. कलिंगडमध्ये ९२ टक्के पाणी असते, ज्यामुळे शरीर हायड्रेट राहण्यास मदत होते. शरीरात निर्माण झालेली पाण्याची कमतरता भरून काढण्यासाठी कलिंगड आणि इतर पौष्टिक पदार्थांचे सेवन करावे. कलिंगड मक्याच्या दाण्यांचे सॅलड लहान मुलांपासून मोठ्यांपर्यंत सगळ्यांना खूप जास्त आवडेल. चला तर जाणून घेऊया रेसिपी.(फोटो सौजन्य – AI)

ओव्हनची भासणार नाही गरज! १० मिनिटांमध्ये तव्यावरच बनवा टेस्टी गार्लिक ब्रेड, नोट करून घ्या रेसिपी

साहित्य:

• कलिंगड
• मक्याचे दाणे
• पुदिन्याची पाने
• लिंबाचा रस
• काळीमिरी पावडर
• चाट मसाला
• काळे मीठ

फक्त ३ साहित्यांपासून साखर न वापरता बनवा हेल्दी चॉकलेट मूस केक; मुलांसाठी परफेक्ट डेझर्ट

कृती:

• कलिंगड मक्याच्या दाण्यांचे सॅलड बनवण्यासाठी, कलिंगडची साल काढून बारीक तुकडे करा. त्यासोबतच त्यातील बिया सुद्धा काढून घ्याव्यात.
• कुकरमध्ये वाटीभर मक्याचे दाणे, चवीनुसार मीठ आणि पाणी घालून कुकरच्या दोन शिट्ट्या काढून घ्या.
• मोठ्या वाटीमध्ये बारीक केलेले कलिंगड, मक्याचे दाणे आणि स्वच्छ धुवून घेतलेली पुदिन्याची पाने टाका आणि मिक्स करा.
• त्यानंतर त्यात लिंबाचा रस, काळीमिरी पावडर, चाट मसाला, काळे मीठ घालून व्यवस्थित मिक्स करा.
• तयार आहे सोप्या पद्धतीमध्ये बनवलेले कलिंगड मक्याच्या दाण्यांचे सॅलड.