कडाक्याच्या उन्हाळ्यात प्या पारंपरिक पद्धतीने बनवलेले फोडणीचे ताक, सहज पचन होतील खाल्लेले अन्नपदार्थ

दुपारच्या जेवणानंतर नियमित एक ग्लास ताक प्यावे. नेहमीच साधे ताक पिऊन कंटाळा आल्यास सोप्या पद्धतीमध्ये फोडणीचे ताक बनवावे. यामुळे पचनक्रिया सुधारते आणि शरीराला फायदे होतात.

उन्हाळ्यासह इतर सर्वच ऋतूंमध्ये ताक अतिशय आवडीने प्यायले जाते. ताक प्यायल्यामुळे शरीराला भरमसाट फायदे होतात. भारतीय आहारातील अतिशय आवडता पदार्थ म्हणजे ताक. जेवणानंतर नियमित एक ग्लास ताक प्यायल्यास खाल्लेले अन्नपदार्थ सहज पचन होण्यास मदत होते. पोटात वाढलेली उष्णता, जळजळ कमी करण्यासाठी ताक प्यावे. उन्हाळ्याच्या दिवसांमध्ये नियमित ताक प्यायल्यास पचनक्रिया सुधारते, थकवा कमी होतो, शरीर हायड्रेट राहते आणि पोटात थंडावा कायम टिकून राहतो. जेवणानंतर कायमच जिऱ्याची पावडर किंवा काळे मीठ घालून बनवलेले ताक प्यायले जाते, पण आज आम्ही तुम्हाला पारंपरिक पद्धतीने फोडणीचे ताक बनवण्याची सोपी रेसिपी सांगणार आहोत. ताकामध्ये असलेल्या प्रोबायोटिक्समुळे पचनसंस्था निरोगी राहण्यास मदत होते. याशिवाय जिऱ्याच्या फोडणीमुळे गॅस, अपचन आणि पचनाच्या इतर सर्वच समस्यांपासून आराम मिळतो. चला तर जाणून घेऊया फोडणीचे ताक बनवण्याची सोपी कृती.(फोटो सौजन्य – pinterest)

Summer Tips: कडकडत्या उन्हात रोज ‘हे’ जादुई हिरवंगार पेय प्यायल्यात तर Digestion होईल गाडीच्या सुसाट वेगाने, त्वचाही उजळेल

साहित्य:

• ताक
• जिरं
• तूप
• हिरवी मिरची
• कोथिंबीर
• हिंग
• लसूण
• काळे मीठ

रेस्टाॅरंट कशाला… घरीच बनवा तोंडाला पाणी आणणारं ‘हरियाली चिकन टिक्का’, पार्टी स्नॅक्ससाठीचा परफेक्ट पर्याय

कृती:

• पारंपरिक पद्धतीने फोडणीचे ताक बनवण्यासाठी सर्वप्रथम, मोठ्या भांड्यात ताक घेऊन त्यात चवीनुसार मीठ टाकून मिक्स करा.
• त्यानंतर त्यात चवीनुसार बारीक चिरलेल्या हिरव्या मिरचीचे तुकडे घालून चमच्याने मिरच्या हलक्याशा दाबून मिक्स करा.
• फोडणीच्या वाटीमध्ये एक ते दीड चमचा तूप गरम करून त्यात जिरं आणि ठेचलेला लसूण घालून भाजा.
• लसूण लालसर झाल्यानंतर त्यात हिंग घालून मिक्स करा. तयार केलेली फोडणी थोडीशी थंड झाल्यानंतर ताकात ओतून मिक्स करा.
• वरून बारीक चिरलेली कोथिंबीर घालून ताक पिण्यासाठी सर्व्ह करा.
• तयार आहे पारंपरिक पद्धतीमध्ये बनवलेले फोडणीचे ताक.