पोटावर वाढलेला चरबीचा घेर महिनाभरात होईल कमी! सकाळच्या नाश्त्यात करा ओटमील पॅनकेक्सचा समावेश

आज आम्ही तुम्हाला सोप्या पद्धतीमध्ये ओट्स पॅनकेक बनवण्याची रेसिपी सांगणार आहोत. हे पॅनकेक तुम्ही वजन कमी करण्यासाठी आहारात किंवा सकाळच्या नाश्त्यात खाऊ शकता.

जगभरात वाढलेले वजन, लठ्ठपणा यांसारख्या गंभीर समस्यांमुळे अनेक लोक त्रस्त आहेत. वजन वाढल्यानंतर शरीरावर अनावश्यक चरबीचा थर तयार होण्यास सुरुवात होते. ज्यामुळे मधुमेह, कोलेस्ट्रॉल किंवा उच्च रक्तदाबासारख्या गंभीर समस्या वाढू लागतात. वाढलेले वजन कमी करण्यासाठी केवळ तासनतास व्यायामच नाहीतर मेटाबॉलिझम चांगले असणे फार आवश्यक आहे. अनेकदा सकाळच्या घाईगडबडीमध्ये नाश्ता केला जात नाही. उपाशी पोटी जास्त वेळ राहिल्यामुळे शरीराची पचनक्रिया पूर्णपणे बिघडून जाते. उपाशी पोटी चहा कॉफी प्यायल्यानंतर ऍसिडिटी वाढण्याची जास्त शक्यता असते. म्हणूनच आज आम्ही तुम्हाला सकाळच्या नाश्त्यात सहज बनवता येतील असे ओटमील पॅनकेक्स बनवण्याची सोपी रेसिपी सांगणार आहोत. या पद्धतीने बनवलेले ओट्स पॅनकेक चवीसोबतच वाढलेले वजन कमी करण्यासाठी मदत करतील. ओट्समध्ये भरपूर प्रमाणात फायबर आणि इतर आवश्यक घटक आढळून येतात. चला तर जाणून घेऊया ओट्स पॅनकेक बनवण्याची सोपी रेसिपी.(फोटो सौजन्य – istock)

आशा ताईंना गायनासोबतच होती पाककलेची आवड! रिकाम्या वेळेत स्वतः बनवण्याच्या ‘हे’ चविष्ट पदार्थ

साहित्य:

• ओट्स
• मीठ
• केळ
• दूध
• अंड
• बेकिंग सोडा
• दालचिनी पावडर
• व्हॅनिला अर्क
• मध

सकाळच्या घाईगडबडीत नाश्त्यासाठी उत्तम पर्याय! तेलाचा वापर न करता झटपट बनवा रव्याची मऊ इडली

कृती:

• ओट्सचे पॅनकेक बनवण्यासाठी सर्वप्रथम, मिक्सरच्या भांड्यात ओट्स टाकून बारीक वाटून घ्या. तयार केलेली पावडर वाटीमध्ये काढा.
• मोठ्या वाटीमध्ये पिकलेलं केळ घेऊन हाताने व्यवस्थित मॅश करा. त्यानंतर त्यात ओट्सची पावडर आणि गरजेनुसार दूध टाकून मिश्रण तयार करा.
• त्यानंतर त्यात अंड, बेकिंग सोडा, दालचिनी पावडर आणि बेकिंग सोडा घालून व्यवस्थित मिक्स करा.
• तयार केलेले मिश्रण व्हॅनिला अर्क घालून मिक्स करा. तयार केलेले मिश्रण काहीवेळ तसेच ठेवून द्या.
• पॅनमध्ये तेल गरम त्यावर छोटे छोटे पॅनकेक घालून दोन्ही बाजूने भाजून घ्या. तयार केलेल्या पॅनकेकवर मध टाकून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले ओट्स पॅनकेक.