Janmashtami Special: पंचामृत तयार करण्याचा 1:2:4:8:16 फाॅर्म्यूला काय आहे? जाणून घ्या योग्य पद्धत

Panchamrut Recipe : जन्माष्टमीच्या पूजेत पंचामृताला विशेष महत्त्व असते. मात्र योग्य प्रमाण न पाळल्यास पंचामृताची चव आणि पोत बिघडू शकतो. यासाठी 1:2:4:8:16 हे सोपे प्रमाण लक्षात ठेवा.

• 1:2:4:8:16 प्रमाणात तूप, मध, मिश्री, दही आणि दूध घ्या.
• ताजे दही आणि गाईचे दूध वापरल्याने पंचामृताची चव चांगली येते.
• सर्व साहित्य व्यवस्थित फेटून शेवटी तुळशीची पाने घाला.

जन्माष्टमीचा पवित्र सण पंचामृताशिवाय अपूर्ण मानला जातो. या दिवशी श्रीकृष्णाचा जन्म झाला होता. श्रीकृष्णाच्या पूजेपासून ते अभिषेकानंतरच्या प्रसादापर्यंत पंचामृताची गरज ही नक्कीच भासते. या दिवशी पंचामृताला विशेष महत्त्व असते ज्यामुळे अनेकांच्या घरी ते तयार केले जाते. तथापि, पंचामृत बनवताना अनेकांना याचे योग्य प्रमाण लक्षात येत नाही ज्यामुळे पंचामृत कधी फार पातळ तयार होतो तर कधी त्याची चवच बिघडते.

Tomato Rice Recipe: एकदा खाल तर पुन्हा पुन्हा बनवाल! १० मिनिटांमध्ये साऊथ इंडियन पद्धतीने बनवा टेस्टी टोमॅटो राईस, नोट करा रेसिपी

तुम्हालाही पंचामृत तयार करताना अडचणी येत असतील किंवा योग्य पद्धतीने पंचामृत कसा तयार करावा ते समजत नसेल तर तुम्ही 1:2:4:8:16 फाॅर्म्यूल्याची मदत घेऊ शकता. हे प्रमाण लक्षात घेऊन जर पंचामृत तयार केले तर ते फक्त चविष्टच बनत नाही तर त्याला पोतही चांगला येतो. चला तर मग पंचामृत तयार करण्याची सीक्रेट पद्धत जाणून घेऊया.

काय आहे 1:2:4:8:16 फाॅर्म्यूला?

• पंचामृत तयार करताना अनेकजण याच्या प्रमाणात घोळ घालतात. यामुळेच खाली दिलेले प्रमाण तुमच्यासाठी योग्य ठरेल.
• १ चमचा: शुद्ध गाईचे तूप
• २ चमचे: शुद्ध मध
• ४ चमचे: बारीक मिश्री (किंवा साखर)
• ८ चमचे: ताजे दही
• १६ चमचे: कच्चे गाईचे दूध

चविष्ट अन् पाैष्टिक… तुम्ही खाल्लीये का कधी बाजरीची खिचडी, चवीला लागते मजेदार; रात्रीच्या जेवणाला नक्की ट्राय करा

भांड्याची निवड

• पंचामृत तयार करण्यासाठी चांदी, पितळ किंवा काचेच्या भांड्याचा वापर करा.
  यात सर्वात आधी गाईचे शुद्ध तूप टाका.
• यानंतर यात २ चमचे शुद्ध मध घाला. चमच्याच्या साहाय्याने मध आणि तूपाला व्यवस्थित फेटून घ्या.
• आता यात ४ चमचे कुटलेली साखर घाला आणि मिक्स करा.
• यानंतर यात ८ चमचे ताजी दही घाला आणि नीट फेटून घ्या. ताजे दही वापरा नाहीतर पंचामृताला आंबट चव येईल.
• आता यात १६ चमचे गाईचे दूध मिक्स करा.
• सर्व साहित्य भांड्यात टाकल्यानंतर एक चमच्याच्या साहाय्याने १-२ मिनिटे साहित्य चांगलेे फेटून घ्या.
• साखर नीट विरघळली आणि पंचामृत चांगले स्मूद झाले की तुमचे पंचामृत तयार होईल.
• शेवटी काही तुळशीची पाने यावर टाका आणि पूजेसाठी किंवा प्रसादासाठी याचा वापर करा.
• अशाप्रकारे पंचामृत बनवाल तर निश्चितच याला स्वादिष्ट चव मिळेल.