Kantara Chapter 1 : या ठिकाणी झालिये कांतारा चित्रपटाची शुटिंग, कसं जायचं ते जाणून घ्या

Movie Shooting Location : जगभरात गाजलेल्या कांतारा चॅप्टर १ ची शूटिंग कोणत्या बाहेर देशात नाही तर भारतातील एका शहरात करण्यात आले. इथे फिरण्यासाठी अनेक प्राचीन मंदिरे आहेत. त्याचबरोबर शांत, मोकळा वेळ घालवण्यासाठी इथे समुद्रकिनारा देखील आहे.

• एका सुपरहिट चित्रपटामुळे चर्चेत आलेले ठिकाण आज पर्यटनप्रेमींचे आकर्षण ठरत आहे.
• निसर्ग, इतिहास आणि चित्रपटसृष्टीचा अनोखा संगम अनुभवण्यासाठी हे ठिकाण खास मानले जाते.
• येथे भेट देणाऱ्यांना समुद्रकिनारे, धार्मिक स्थळे आणि शांत वातावरणाचा आनंद घेता येतो.

कांतारा चॅप्टर १ हा चित्रपट तुम्ही पाहिलाच असेल. २०२५ साली रिलिज झालेला हा चित्रपट देशभरात नाही तर जगभरात सुपरहिट ठरला. चित्रपटाचे बजेट १२५ कोटी रुपये इतके होते आणि त्यांने वर्लडवाईड ८०० कोटींच्या पार कमाई केली. चित्रपटाची क्रेझ पाहता त्याला अनेक भाषांमध्ये रिलिज करण्यात आले. अशात आज आपण या चित्रपटाच्या शूटिंग लोकेशनविषयी माहिती जाणून घेणार आहोत. लोकांना जितका चित्रपट पसंत आला तितकेच या चित्रपटातील लोकेशन देखील चर्चेत राहिले. प्रत्येकाला जाणून घ्यायचे होते की याची शूटिंग नक्की कोणत्या ठिकाणी झाली आहे. चला तर मग या लेखात याविषयीच माहिती जाणून घेऊया.

भारतातील रहस्यमय मंदिर ज्यांना एक रात्रीत तयार करण्यात आलं, एकाची बांधणी देवांनी केली तर दुसऱ्याची भुतांनी…

कुठे झाली कांतारा चॅप्टर १ ची शूटिंग?

चित्रपटाच्या शूटिंग लोकेशनविषयी बोलणे केले तर, चित्रपटाचा सुरुवातीचा आणि बहुतांश भाग कर्नाटकातील किनारपट्टीचा प्रदेश असलेल्या कुंदापूरच्या आसपास चित्रित करण्यात आला. इथे Hombale Films नावाचा एक विशाल स्टुडिओ तयार करण्यात आला होता. रिपोर्ट्सनुसार, हा स्टुडिओ भारतातील सर्वात मोठ्या फिल्म सेटपैकी एक ठरला ज्याला बनवण्यासाठी तब्बल ६०० कारपेंटरची मदत लागली. या सेटचा वापर चित्रपटात कादंबा साम्राज्य दाखवण्यासाठी केला गेला. यात शाकलेश्वरच्या जंगलातील काही दृष्ये देखील चित्रित करण्यात आली. चित्रपटातील काही दृष्ये कुंदापुरपासून साधारण २० किमी अंतरावर असणाऱ्या एका गावात शूट केले गेले. याऐवजी सौपर्णिका नदीच्या काठावरही काही सीन्स शूट करण्यात आले.

कसं पोहचायचं?

इथे कसं पोहचायचं याविषयी जर बोलणं केलं तर, यासाठी तुम्ही अनेक पर्ययांचा वापर करु शकता. इथे जाण्यासाठी विमान, रेल्वे आणि रस्ता असा तीनही मार्गांचा वापर करता येईल.

विमान मार्ग : जर तुम्ही विमानाने जाण्याचा विचार करत असाल तर तुम्ही फ्लाईटने मंगळुरूला येऊ शकता. यानंतर टॅक्सी करुन किंवा बस करुन तुम्ही कुंदापूरला पोहचू शकता.

रेल्वे मार्ग : मुंबईहून मत्स्यगंधा एक्सप्रेस किंवा नेत्रावती एक्सप्रेस यांसारख्या रोज धावणाऱ्या गाड्या कुंदापूरला जातात. मुंबईहून कुंदापूरपर्यंतच्या रेल्वे प्रवासासाठी १५ ते १७ तास लागतात.

रस्ता मार्ग : मुंबईहून कुंदापूरला जाण्यासाठी अनेक लग्झरी बसेस उपलब्ध आहेत. कारने प्रवास केल्यास मुंबई ते कुंदापूर अंतर साधारणपणे ९०० ते ९५० किमी आहे.

Travel : दोन भावांनी नोकरी सोडून बनवला मातीचा आलिशान विला, हजारो पैसे घालवून लोक येतात राहायला; कुठे आहे ते जाणून घ्या

कुंदापूरला फिरण्यासाठी ठिकाणे?

कुंदापूर हे ठिकाण प्राचीन मंदिरे आणि सुंदर समुद्रकिनाऱ्यांसाठी प्रसिद्ध आहे. रोजच्या गजबटापासून दूर शांततेत वेळ घालवायचा असल्यास तुम्ही या ठिकाणाला नक्कीच भेट येऊ शकता. इथे तुम्ही मारवंथे बीच , कोडी बीच , कोल्लूर मुकांबिका मंदिर, अनेगुड्डे विनायक मंदिर, कुंदेश्वर मंदिर आणि होली रोझरी चर्च या ठिकाणांना भेट देऊ शकता.