तेलाचा अजिबात वापर न करता नाश्त्यात बनवा कुरकुरीत स्वादिष्ट पिझ्झा सामोसा, लहान मुलांसह मोठ्यांना नक्की आवडेल पदार्थ

तेलाचा अजिबात वापर न करता बनवलेले पदार्थ चवीला अतिशय सुंदर लागतात. त्यामुळे संध्याकाळच्या नाश्त्यात किंवा लहान मुलांच्या स्नॅक्ससाठी पिझ्झा समोसा बनवू शकता. चला तर जाणून घेऊया रेसिपी.

भारतात वडापाव नंतर अतिशय आवडीने खाल्ला जाणारा पदार्थ म्हणजे सामोसा. कुरकुरीत आणि आतून बटाटा, भाज्यांचे मिश्रण करून बनवलेला सामोसा चवीला अतिशय सुंदर लागतो. लहान मुलांपासून ते अगदी मोठ्यांपर्यंत सगळ्यांचे सामोसा अतिशय आवडीने खातात. पण नेहमीच तेलकट पदार्थ खाणे शरीरासाठी अजिबात चांगले नाही. यामुळे रक्तात खराब कोलेस्ट्रॉलची पातळी वाढण्याची शक्यता असते. कायमच तेलकट सामोसा खाल्ल्यामुळे लहान मुलांना खोकला होण्याची शक्यता असते. पण आज आम्ही तुम्हाला तेलाचा अजिबात वापर न करता कुरकुरीत स्वादिष्ट पिझ्झा सामोसा बनवण्याची सोपी रेसिपी सांगणार आहोत. पिझ्झा समोसा घरातील प्रत्येकाला खूप जास्त आवडेल. हा पदार्थ तुम्ही एअर फ्रायरमध्ये किंवा ओव्हनमध्ये सहज बनवू शकता. कमीत कमी साहित्यात बनवलेला पदार्थ चवीला अतिशय सुंदर लागतो. याशिवाय लहान मुलांच्या पार्टीत तेलकट पदार्थ नको असल्यास तुम्ही एअर फ्रायरमध्ये बनवलेला पिझ्झा सामोसा बनवू शकता. चला तर जाणून घेऊया रेसिपी.(फोटो सौजन्य – pinterest)

प्रथिनांनी समृद्ध असलेले काळ्या चण्यांचे पौष्टिक कटलेट, घरच्या घरी नक्की बनवून पहा हेल्दी नाश्तातील पदार्थ

साहित्य:

• सामोसा पट्टी
• ओवा
• जिरं
• मीठ
• कांदा
• शिमला मिरची
• चीज
• ओरेगॅनो आणि चिली फ्लेक्स
• मका
• पिझ्झा सॉस

Recipe : पोहे, बटाटा आणि बेसनपासून बनवा कुरकुरीत सकाळचा नाश्ता, चव अशी की लहान मुले होतील खुशा

कृती:

• पिझ्झा सामोसा बनवण्यासाठी सर्वप्रथम, मोठ्या वाटीमध्ये बारीक चिरून घेतलेली शिमला मिरची, कांदा, मक्याचे दाणे घालून मिक्स करा.
• त्यानंतर त्यात पिझ्झा सॉस, ओरेगॅनो, चिली फ्लेक्स आणि चवीनुसार मीठ घालून व्यवस्थित मिक्स करा.
• तयार केलेल्या मिश्रणात भरपूर प्रमाणात मोझारेला चीज घालून पिझ्झाचे मिश्रण तयार करा.
• सामोसाची पट्टी घेऊन त्यात तयार केलेले मिश्रण भरा आणि मैद्याची पेस्ट लावून सामोसा पूर्णपणे पॅक करा.
• एअर फ्रायर १८०°C वर ५ मिनिटांसाठी प्रीहीट करण्यासाठी ठेवा. त्यानंतर तयार केलेल्या समोसावर ओवा घालून एअर फ्रायर १२ ते १५ मिनिटं बेक होण्यासाठी ठेवा.
• तयार आहेत सोप्या पद्धतीमध्ये बनवलेला पिझ्झा समोसा. हा पदार्थ सॉस किंवा शेजवान चटणीसोबत खाऊ शकता.