वाढत्या थंडीमध्ये घरी बनवा गरमागरम पालक सूप! शरीरात कायम टिकून राहील उबदारपणा, नोट करा रेसिपी

आज आम्ही तुम्हाला सोप्या पद्धतीमध्ये पालक सूप बनवण्याची रेसिपी सांगणार आहोत. हा पदार्थ कमीत कमी साहित्यात झटपट बनतो. थंडीच्या दिवसांमध्ये घरात वेगवेगळे सूप बनवले जातात.

देशभरात सगळीकडे कडाक्याची थंडी पडली आहे. थंडीच्या दिवसांमध्ये सगळ्यांचं काहींना काही गरमागरम आणि झणझणीत पदार्थ खाण्याची इच्छा होते. या दिवसांमध्ये शरीराची रोगप्रतिकारशक्ती काहीशी कमी होऊन जाते. शरीरात थकवा, अशक्तपणा वाढू लागल्यानंतर आरोग्य पूर्णपणे बिघडून जाते. थंडीत प्रत्येक घरात कोणत्या ना कोणत्या भाजीपासून किंवा चिकन सूप बनवले जाते. सूप प्यायल्यामुळे शरीरात उबदारपणा कायम टिकून राहतो. म्हणूनच आज आम्ही तुम्हाला गरमागरम पालक सूप बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांच्या आरोग्यासाठी पालक अतिशय फायदेशीर आहे. पालक खाल्ल्यामुळे शरीरात कधीही रक्ताची कमतरता जाणवत नाही. रोजच्या आहारात नियमित एक पालेभाजी खावी. पालकमध्ये असलेल्या लोहामुळे शरीरात निर्माण झालेली हिमोग्लोबिनची कमतरता भरून निघते आणि शरीरात थकवा, अशक्तपणा जाणवत नाही. चला तर जाणून घेऊया गरमागरम पालक सूप बनवण्याची सोपी रेसिपी.(फोटो सौजन्य – istock)

Men’s Day 2025 : घरातील पुरुषांना करा खुश, खास दिनानिमित्त घरी बनवा युपीची फेमस डिश ‘दही के शोले’

साहित्य:

• पालक
• काळीमिरी पावडर
• कांदा
• लसूण
• आलं
• टोमॅटो
• तेल
• मीठ
• लिंबाचा रस

१५ मिनिटांत अस्सल गावरान पद्धतीमध्ये बनवा चमचमीत टोमॅटो शेव भाजी, दुपारच्या जेवणात होईल चविष्ट बेत

कृती:

• पालक सूप बनवण्यासाठी सर्वप्रथम, पालक स्वच्छ साफ करून काहीवेळ पाण्यात भिजत ठेवा. त्यानंतर पाण्याने स्वच्छ धुवून घ्या.
• कुकरच्या भांड्यात स्वच्छ धुवून घेतलेला पालक आणि पाणी घालून शिजवून घ्या. थंड झाल्यानंतर शिजवलेला पालक मिक्सरच्या भांड्यात टाकून पेस्ट बनवा.
• पॅनमध्ये तेल गरम करून त्यात बारीक चिरलेली लसूण, आलं, कांदा आणि टोमॅटो घालून सोनेरी रंग येईपर्यंत व्यवस्थित शिजवा. त्यानंतर कांदा थंड झाल्यावर मिक्सरच्या भांडयात टाकून पेस्ट बनवा.
• त्याच कढईमध्ये पुन्हा एकदा थोडस तेल घालून तयार केलेली पेस्ट घालून व्यवस्थित मिक्स करा. नंतर त्यात पाणी घाला.
  सूपला एक उकळी आल्यानंतर त्यात चवीनुसार मीठ, काळीमिरी पावडर आणि लिंबाचा रस घालून व्यवस्थित मिक्स करा.
• आवश्यकता वाटल्यास तुम्ही त्यात फ्रेश क्रीमसुद्धा घालू शकता. तयार आहे सोप्या पद्धतीमध्ये बनवलेले पालक सूप.