रात्रीच्या जेवणासाठी झटपट बनवा हिरव्या वाटणातील मसाले भात, चविष्ट पदार्थांनी वाढेल जेवणाची रंगतदार चव

जेवणात कायमच डाळभात खाऊन कंटाळा आल्यानंतर तुम्ही सोप्या पद्धतीमध्ये हिरव्या वाटणातील पुलाव बनवू शकता. हा पदार्थ चवीला अतिशय सुंदर लागतो. चला तर जाणून घेऊया हिरव्या वाटणातील पुलाव बनवण्याची सोपी रेसिपी.

रात्रीच्या जेवणात कायमच डाळभात, भाजी चपाती खाऊन कंटाळा आल्यानंतर काहींना काही नवीन पदार्थ खाण्याची इच्छा होते. रात्रीच्या जेवणात अनेक घरांमध्ये कायमच दालखिचडी बनवली जाते. दालखिचडी बनवण्यासाठी अतिशय सोपी आहे. यासोबतच पचनासाठी सुद्धा अतिशय हलकी असते. राज्याच्या वेगवेगळ्या भागांमध्ये कडधान्य आणि भाज्यांचा वापर करून मसालेभात बनवला जातो. मसालेभात आणि त्यासोबत दह्याची कोशिंबीर असा बेत जेवणात असेल तर चार घास जास्त जातात. म्हणूनच आज आम्ही तुम्हाला हिरव्या वाटणातील मसालेभात बनवण्याची सोपी रेसिपी सांगणार आहोत. या भातासोबत तुम्ही कोशिंबीर किंवा कैरीचे आंबट लोणचं खाऊ शकता. यामुळे पदार्थाची चव वाढते. चला तर जाणून घेऊया हिरव्या वाटणातील मसालेभात बनवण्याची सोपी रेसिपी.(फोटो सौजन्य – pinterest)

दिवसाची सुरुवात होईल आनंदाने! सकाळच्या धावपळीमध्ये नाश्त्यासाठी बनवा चविष्ट दही सँडविच, नोट करून घ्या रेसिपी

साहित्य:

• तांदूळ
• हिरवी मिरची
• पुदिना
• कोथिंबीर
• मीठ
• कांदा टोमॅटो
• गरम मसाला
• हळद
• आलं लसूण पेस्ट
• मोहरी
• जिरं
• खडे मसाले
• तूप

थंडीच्या दिवसांमध्ये अस्सल गावरान पद्धतीमध्ये बनवा कुळीथाचा झुणका, कंबर- हाडांच्या दुखण्यांवर रामबाण उपाय

कृती:

• हिरव्या वाटणातील मसालेभात बनवण्यासाठी सर्वप्रथम, तांदूळ स्वच्छ साफ करून पाण्यात भिजत ठेवा.
• मिक्सरच्या भांड्यात कोथिंबीर, आलं, लसूण, पुदिन्याची पाने आणि हिरवी मिरची घेऊन बारीक वाटून घ्या. पेस्ट तयार करताना त्यात पाणी घालू नये.
• मोठ्या टोपात तूप गरम करण्यासाठी ठेवा. गरम तुपात मोहरी, जिरं, खडे मसाले आणि हिंग घालून भाजा. नंतर त्यात कढीपत्त्याची पाने, कांदा आणि टोमॅटो घालून मिक्स करा.
• त्यानंतर त्यात चवीनुसार मीठ घालून व्यवस्थित शिजवून घ्या. कांदा शिजल्यानंतर त्यात तयार केलेले हिरवे वाटण घालून तेल सुटेपर्यंत भाजा.
• वाटण शिजल्यानंतर त्यात हळद, गरम मसाला आणि पुलाव मसाला घालून मिक्स करा. मसाला शिजल्यानंतर त्यात हिरवे वाटणे आणि तुमच्या आवडीच्या भाज्या घालून मिक्स करा.
• भाज्यांना एक वाफ आल्यानंतर त्यात गरम केलेले पाणी घालून पाण्याला उकळी काढा आणि भिजवलेले तांदूळ घालून मिक्स करून घ्या.
• भाताला व्यवस्थित उकळी आल्यानंतरझाकण मारून भात वाफवण्यासाठी ठेवा.
• तयार आहे सोप्या पद्धतीमध्ये बनवलेला हिरव्या वाटणातील मसालेभात.