गुरुवार, 5 नोव्हेंबर 2026
दिल्लीतील चावडी बाजारात भीषण दुर्घटना; तीन मजली इमारत कोसळून दोघांचा मृत्यू, NDRF घटनास्थळी
Delhi Building Collapse : राजधानी दिल्लीतील चावडी बाजार परिसरात गुरुवारी (5 नोव्हेंबर 2026) सकाळी एक भीषण दुर्घटना घडली. बांधकाम सुरू असलेली तीन मजली इमारत अचानक कोसळल्याने परिसरात एकच खळबळ उडाली. या दुर्घटनेत दोघांचा मृत्यू झाला असून, अनेकजण ढिगाऱ्याखाली अडकल्याची भीती व्यक्त केली जात आहे. घटनास्थळी अग्निशमन दल, स्थानिक पोलीस आणि राष्ट्रीय आपत्ती प्रतिसाद दल (NDRF) यांच्या पथकांकडून मदत व बचावकार्य सुरू आहे. (Delhi Building Collapse)
मिळालेल्या माहितीनुसार, गुरुवारी सकाळी 9:50 वाजण्याच्या सुमारास चावडी बाजार परिसरात इमारत कोसळल्याची माहिती अग्निशमन विभागाला मिळाली. माहिती मिळताच अग्निशमन दलाचे जवान आणि स्थानिक पोलीस घटनास्थळी दाखल झाले. त्यानंतर तातडीने बचावकार्य सुरू करण्यात आले. या दुर्घटनेची तीव्रता लक्षात घेता NDRF च्या पथकालाही घटनास्थळी पाचारण करण्यात आले. ढिगाऱ्याखाली अडकलेल्या नागरिकांचा शोध घेण्यासाठी बचाव पथके प्रयत्न करत आहेत.
मुख्य निवडणूक आयुक्त ज्ञानेश कुमार यांच्या अडचणींत वाढ? ‘त्या’ प्रकरणी अखेर चौकशी सुरु
प्राथमिक माहितीनुसार, चावडी बाजार परिसरातील ही तीन मजली इमारत बांधकामाधीन होती. इमारतीत बांधकामाचे काम सुरू असतानाच गुरुवारी सकाळी अचानक ती कोसळली. इमारत कोसळल्यानंतर मोठ्या प्रमाणात मलबा रस्त्यावर आणि परिसरात पसरला. ही दुर्घटना चावडी बाजार मेट्रो स्थानकासमोर घडल्याची प्राथमिक माहिती आहे. इमारत कोसळल्याचा आवाज ऐकताच परिसरातील नागरिकांमध्ये घबराट पसरली. घटनास्थळी पोहोचलेल्या नागरिकांना दुर्घटनेचे भीषण दृश्य पाहून धक्का बसला.
एसओ डीके राय यांनी दिलेल्या माहितीनुसार, चावडी बाजार परिसरात बांधकाम सुरू असलेली तीन मजली इमारत कोसळली आहे. इमारतीच्या आत काही नागरिक अडकले असण्याची शक्यता आहे. त्यामुळे बचाव पथके घटनास्थळी शोधकार्य करत आहेत.
दरम्यान, या दुर्घटनेत दोघांचा मृत्यू झाल्याची प्राथमिक माहिती समोर आली आहे. ढिगाऱ्याखाली आणखी किती जण अडकले आहेत, याबाबत अद्याप स्पष्टता नाही. बचावकार्य पूर्ण झाल्यानंतरच दुर्घटनेतील एकूण जीवितहानी आणि इतर तपशील समोर येण्याची शक्यता आहे.
इमारत कोसळण्यामागील नेमके कारण अद्याप स्पष्ट झालेले नाही. बांधकाम सुरू असताना ही दुर्घटना कशी घडली, याचा तपास संबंधित यंत्रणांकडून केला जाण्याची शक्यता आहे.
अत्याचार पीडित महिलांना आता लवकर न्याय मिळणार; केंद्र सरकारने घेतला ‘हा’ मोठा निर्णय
Ans: दिल्लीतील चावडी बाजार परिसरात गुरुवारी सकाळी सुमारे 9:50 वाजता इमारत कोसळल्याची माहिती अग्निशमन विभागाला मिळाली.
Ans: प्राथमिक माहितीनुसार, या दुर्घटनेत दोघांचा मृत्यू झाला असून, अनेकजण ढिगाऱ्याखाली अडकल्याची भीती व्यक्त केली जात आहे.
Ans: स्थानिक पोलीस, अग्निशमन दल आणि राष्ट्रीय आपत्ती प्रतिसाद दल अर्थात NDRF ची पथके घटनास्थळी दाखल झाली असून, मदत व बचावकार्य सुरू आहे.
