कोणतेही केमिकल आणि प्रिझर्व्हेटीव्हचा वापर न करता अर्ध्या तासात झटपट बनवा आंबटगोड चवीचा टोमॅटो सॉस

नेहमी नेहमी बाजारातून विकत आणलेले पदार्थ खाण्यापेक्षा तुम्ही घरच्या घरी सोप्या पद्धतीमध्ये टोमॅटो सॉस बनवू शकता. टोमॅटो सॉस कोणत्याही पदार्थासोबत खाल्ला जातो. चला तर जाणून घेऊया टोमॅटो सॉस बनवण्याची रेसिपी.

कांदाभजी, फ्रेंच फ्राईज, चपाती किंवा इतर अनेक पदार्थांसोबत टोमॅटो खाल्ला जातो. टोमॅटो सॉस चवीला अतिशय आंबटगोड असतो. प्रत्येक घरात टोमॅटो सॉसची एकतरी बॉटल ही असतेच. काही लहान मुलांना टोमॅटो सॉस नुसताच खायला खूप जास्त आवडतो. बऱ्याचदा बाजारात मिळणाऱ्या पदार्थांमध्ये हानिकारक रसायन आणि केमिकलयुक्त रंगांचा वापर केला जातो. या रंगाचा वापर करून सॉस किंवा जॅम बनवले जातात. पण हे पदार्थ आरोग्यासाठी अतिशय घातक आहेत. या पदार्थांच्या सेवनामुळे पोटात इन्फेक्शन वाढणे किंवा ऍलर्जी होण्याची जास्त शक्यता असते. त्यामुळे आज आम्ही तुम्हाला केमिकल आणि हानिकारक प्रिझर्व्हेटीव्हचा वापर न करता अर्ध्या तासात टोमॅटो सॉस बनवण्याची सोपी रेसिपी सांगणार आहोत. घरी बनवलेला टोमॅटो सॉस चवीला अतिशय सुंदर लागतो. चला तर जाणून घेऊया टोमॅटो सॉस बनवण्याची सोपी आणि झटपट तयार होणारी रेसिपी. (फोटो सौजन्य – istock)

शाळेच्या डब्यासाठी १० मिनिटांमध्ये बनवा हेल्दी टेस्टी नाचणीचा डोसा, लहान मुलं आवडीने खातील

साहित्य:

• टोमॅटो
• कांदा
• लसूण
• आल्याची पेस्ट
• लाल तिखट
• मीठ
• काळीमिरी पावडर
• लिंबाचा रस
• व्हिनेगर
• साखर

लहान मुलांना खाऊच्या डब्यासाठी झटपट बनवून द्या क्रिमी चॉकलेट सँडविच, नोट करून घ्या पदार्थ

कृती:

• टोमॅटो सॉस बनवण्यासाठी सर्वप्रथम, टोमॅटो पाण्याने स्वच्छ धुवून घ्या. त्यानंतर टोमॅटोचे बारीक तुकडे करून मिक्सरच्या भांड्यात टाका आणि पातळ पेस्ट तयार करा.
• पेस्ट तयार करताना त्यासोबतच लसूण, आलं आणि चिरलेले कांदे सुद्धा बारीक करून घ्या.
• मोठ्या टोपात तयार केलेली पेस्ट घालून गॅसवर शिजण्यासाठी ठेवा. १० मिनिटं झाल्यानंतर हळूहळू मिश्रणाला उकळी येईल.
• टोमॅटो शिजल्यानंतर त्यात साखर, लाल तिखट, मीठ, मिरेपूड, दालचिनी पावडर आणि व्हिनेगर घालून व्यवस्थित शिजवून घ्या.
• टोमॅटोचा रंग हळूहळू डार्क होण्यास सुरुवात होईल. याशिवाय तयार केलेला टोमॅटो सॉस घट्ट होईल.
• तयार केलेला टोमॅटो सॉस काचेच्या बरणीमध्ये भरून ठेवा. तयार आहे झटपट बनवलेला आंबटगोड टोमॅटो सॉस.