मैद्याचा वापर न करता लहान मुलांसाठी नाश्त्यात बनवा Vegetable Paneer Pizza , नोट करून घ्या झटपट होणारी रेसिपी

आज आम्ही तुम्हाला सोप्या पद्धतीमध्ये मैद्याचा वापर न करता व्हेजिटेबल पनीर पिझ्झा बनवण्याची रेसिपी सांगणार आहोत. या पद्धतीने बनवलेला पिझ्झा चवीला अतिशय सुंदर लागतो.

लहान मुलांना उन्हाळ्याच्या सुट्ट्या पडल्यानंतर मुलांना चमचमीत पदार्थ खाण्यास हवे असतात. त्यातील मुलांच्या आवडीचा पदार्थ म्हणजे पिझ्झा. बाहेर फिरायला गेल्यानंतर किंवा भूक लागल्यानंतर नेहमीच मुलं पिझ्झा खाण्यास मागतात. पण नेहमी नाश्त्यात पिझ्झा खाणे शरीरासाठी धोक्याचे ठरू शकते. दैनंदिन आहारात कमीत कमी मैद्याचे सेवन करावे. मैदा असलेले पदार्थ खाल्ल्यामुळे वजन वाढण्यासोबतच संपूर्ण आरोग्य बिघडून जाते. म्हणूनच आज आम्ही तुम्हाला अजिबात मैद्याचा वापर न करता हेल्दी टेस्टी व्हेजिटेबल पनीर पिझ्झा बनवण्याची सोपी रेसिपी सांगणार आहोत. या पद्धतीने बनवलेला पिझ्झा लहान मुलांसह मोठ्यांना सुद्धा आवडेल. उन्हाळ्याच्या सुट्टींमध्ये मुलांना कायमच चटपटीत पदार्थ हवे असतात. अशावेळी भाज्यांपासून बनवलेला पिझ्झा मुलांना खाण्यास देऊ शकता. लहान मुलं बऱ्याचदा भाज्या खाण्याचा कंटाळा करतात, अशावेळी मुलांना भाज्यांपासून बनवलेले वेगवेगळे पदार्थ खाण्यास द्यावे. चला तर जाणून घेऊया रेसिपी.(फोटो सौजन्य – pinterest)

दिवसाची सुरुवात करा पौष्टिक पदार्थाच्या सेवनाने! नाश्त्यात १० मिनिटांमध्ये बनवा चविष्ट मल्टी विटामिन भेळ

साहित्य:

• पनीर
• कांदा
• शिमला मिरची
• पिझ्झा सॉस
• टोमॅटो सॉस
• मीठ
• काळीमिरी पावडर
• दही
• गव्हाचं पीठ
• साखर
• ओरिगानो
• चिली फ्लेक्स

Summer Special : विकतंच कशाला? उन्हाळ्यात घरीच बनवा थंडगार ‘मँगो आईस्क्रिम’, लहनांसह मोठेही होतील खुश

कृती:

• व्हेजिटेबल पनीर पिझ्झा बनवण्यासाठी सर्वप्रथम, ताटात गव्हाचं पीठ घेऊन त्यात वाटीभर दही आणि चवीनुसार मीठ घालून व्यवस्थित मिक्स करा.
• तयार केलेल्या मिश्रणात हळूहळू पाणी घालून कणिक मळून घ्या. त्यानंतर त्यात तेल घालून कणिक मळून घ्या आणि काहीवेळ तसेच ठेवा.
• मळून घेतलेले कणिक ताटावर जाडसर पसरवून घ्या. कढईमध्ये तेल गरम करून त्यावर शिमला मिरची, कांदा, पनीरचे तुकडे हलकेसे भाजून घ्या.
• मोठ्या वाटीमध्ये पिझ्झा सॉस, टोमॅटो सॉस एकत्र करून मिक्स करा. तयार केलेला सॉस गव्हाच्या पोळीवर लावून घ्या.
• त्यानंतर त्यावर फ्राय करून घेतलेल्या भाज्या लावून घ्या. त्यानंतर त्यावर काळीमिरी पावडर, चिली फ्लेक्स, ओरिगानो घालून पसरवा.
• सगळ्यात शेवटी भरभरून चीज टाकून कढईवर पिझ्झाचे ताट ठेवा आणि वरून झाकण मारून २० मिनिटं तसेच ठेवा.
• तयार आहे सोप्या पद्धतीमध्ये बनवलेली व्हेजिटेबल पनीर पिझ्झा.