Water Of Tears : देशातील या तलावाला ‘अश्रूंचं तलाव’ का म्हटल जात? कुठे वसलं आहे ते जाणून घ्या

Unique Lake : भारतात वसलेल्या या तलावाच्या पाण्याला म्हटले जाते 'अश्रूंचे पाणी'. हे नाव साधसुध नसून यामागे एक गूढ आणि रंजक कथा दडलेली आहे जी या ठिकाणाला आणखी खास बनवते.

• भारतातील हा सुंदर तलाव आपल्या नावामुळे आणि गूढ कथेमुळे चर्चेत आहे.
• निसर्गरम्य परिसर, शांत वातावरण आणि स्वच्छ पाण्यामुळे पर्यटकांची येथे मोठी गर्दी असते.
• हे ठिकाण सहलीसाठी एक उत्तम आणि आकर्षक पर्याय मानले जाते.

भारतात अनेक सुंदर आणि पाहण्यासारखी ठिकाणे आहेत. प्रत्येक ठिकाणाची आपली अशी काही खासियत असते. फक्त साैंदर्यासाठीच नाही तर तेथील प्रचलित कथांसाठीही ही ठिकाणे लोकप्रिय असतात. अशात आज आम्ही तुम्हाला अशाच एका प्रचलित तलावाविषयी माहिती सांगत आहोत जेथील पाण्याला ‘अश्रूंचे पाणी’ म्हणून ओळखले जाते. हे तलाव त्याच्या साैंदर्यासाठी आणि शांत वातावरणामुळेही पर्यटकांमध्ये चांगलेच प्रसिद्ध आहे. आता तुम्हाला माहिती आहे का? या तलावातील पाण्याला ‘अश्रूंचे पाणी’ असं अनोखं नाव का देण्यात आलं आहे. चला आज या लेखात आपण या नावामागे काय संबंध आहे ते सविस्तर जाणून घेऊया.

Amarnath Yatra 2026 : या तारखेपासून सुरू होणार अमरनाथ यात्रा, जाणून घ्या घरबसल्या रजिस्ट्रेशनची प्रोसेस

सरोवराचे नाव काय?

आम्ही तुम्हाला सांगतो की, या अनोख्या तलावाचे नाव उमियाम असून हे नाव खासी भाषेतून घेण्यात आले आहे. खासी भाषेत ‘उम’ म्हणजे पाणी आणि ‘इयाम’ म्हणजे अश्रू, म्हणूनच याला ‘अश्रूंचे पाणी’ असे नाव पडले. या तलावाविषयी एक खास कथा देखील सांगितले जाते, ज्यानुसार हे तलाव दुःखातून निर्माण झाले आहे. मानले जाते की, एकेकाळी स्वर्गातून दोन बहिणी पृथ्वीला भेट देण्यासाठी आल्या होत्या पण यावेळी एक बहिण वाटेतच हरवली. दुसऱ्या बहिणीने आपल्या हरवलेल्या बहिणीचा खूप शोध घेतला पण काही केल्या ती सापडली नाही. यानंतर तिच्या आठवणीत दुसरी बहिण इतकी रडली की तिच्या अश्रूंनी उमियाम तलाव निर्माण झाले. हेच कारण आहे की याला ‘अश्रूंचे पाणी’ म्हणून ओळखले जाते. या कथेमुळे या सरोवराला एक गूढ वलय प्राप्त झाले आहे. तर काही स्थानिक लोक या तलावाला ‘बारपाणी’ या नावानेही ओळखतात ज्याचा अर्थ ‘मोठे पाणी’ असा होतो.

कुठे वसले आहे हे अनोखे तलाव?

तुम्हाला जर ‘अश्रूंचे पाणी’ म्हणून ओळखल्या जाणाऱ्या या तलावाला भेट द्यायची असेल तर यासाठी प्रथम तुम्हाला मेघालय गाठावे लागेल. शिलाँगपासून सुमारे १५ किलोमीटर अंतरावर हे तलाव वसले आहे. इथे तुम्हाला हिरवेगार रान, सुंदर पर्वते आणि स्वच्छ पाणी पाहता येईल. तुम्ही निसर्गाच्या सानिध्यात इथे सुंदर फोटो आणि व्हिडिओ देखील शूट करु शकता. येथील शांत आणि थंड वातावरण मनाला सुखद अनुभव देऊन जातो. शहराच्या धावपळापासून दूर तुम्हाला कोणत्या शांत आणि सुंदर ठिकाणाला भेट द्यायची असेल तर हे ठिकाण तुमच्यासाठी एक उत्तम पर्याय ठरेल.

एक अनोखे मंदिर जिथल्या दगडांमधून ऐकायला येत मधुर संगीत, विज्ञानालाही घातलंय याने कोड…

भेट देण्यासाठीची सर्वोत्तम वेळ कोणती?

उमियाम तलावाला भेट देण्यासाठी ऑक्टोबर ते एप्रिल महिन्यातील काळ सर्वात उत्तम मानला जातो. ही वेळ सर्वोत्तम मानली जाते कारण याकाळात इथे पाऊस कमी प्रमाणात असतो आणि वातावरणातही थंडावा असतो. ज्यांना पावसाळा आवडतो ते इथे पावसाळ्यतही आपल्या सहलीचे नियोजन करु शकतात. याकाळातही हे ठिकाण सुंदर दिसते.