ओव्हनची भासणार नाही गरज! १० मिनिटांमध्ये तव्यावरच बनवा टेस्टी गार्लिक ब्रेड, नोट करून घ्या रेसिपी

आज आम्ही तुम्हाला सोप्या पद्धतीमध्ये ओव्हनचा वापर न करता गार्लिक ब्रेड बनवण्याची रेसिपी सांगणार आहोत. या पद्धतीने बनवलेले गार्लिक ब्रेड चवीला अतिशय सुंदर लागते.

लहान मुलांपासून अगदी मोठ्यांपर्यंत सगळ्यांचं पिझ्झा, पास्ता, ब्रेड, बर्गर इत्यादी चविष्ट पदार्थ खायला खूप जास्त आवडतात.लहान मुलांना गार्लिक ब्रेड खूप जास्त आवडते. हॉटेलमध्ये किंवा कोणत्याही कॅफेमध्ये गेल्यानंतर सगळ्यात पहिली आठवण गार्लिक ब्रेडची होते. लसूणचा वापर करून बनवलेला सॉस ब्रेडवर लावून ओव्हनमध्ये बेक केला जातो. हे पदार्थ प्रामुख्याने झोमॅटो, स्विगी इत्यादी ठिकाणाहून मागवले जातात. पण नेहमीच विकतचे पदार्थ खाणे शरीरासाठी अजिबात चांगले नाही. यामुळे शरीराला हानी पोहचते. म्हणूनच आज आम्ही तुम्हाला ओव्हनचा वापर न करता सोप्या पद्धतीमध्ये घरीच गार्लिक ब्रेड बनवण्याची रेसिपी सांगणार आहोत. हा पदार्थ घरी आलेल्या पाहुण्यांसाठी किंवा लहान मुलांच्या वाढदिवसाच्या पार्टीसाठी सुद्धा बनवू शकता. कमीत कमी साहित्यात झटपट तयार होणारे पदार्थ बनवायला सगळ्यांचं खूप जास्त आवडतात. चला तर जाणून घेऊया गार्लिक ब्रेड बनवण्याची सोपी रेसिपी.(फोटो सौजन्य – istock)

Summer Drink: उन्हाळ्यात शरीर राहील थंड! झटपट घरी बनवा Melon-Mint Cooler, नोट करून घ्या रेसिपी

साहित्य:

• लसूण पाकळ्या
• मीठ
• तेल
• ब्रेड किंवा पाव
• बटर
• हिरवी मिरची
• चिली फ्लेक्स आणि ओरेगॅनो
• कोथिंबीर
• चीज
• चिली ऑइल

Breakfast Recipe: सकाळच्या नाश्त्यासाठी ५ मिनिटांमध्ये बनवा काकडीचे सँडविच, चहा चपातीसाठी उत्तम पर्याय

कृती:

• ओव्हनचा वापर न करता गार्लिक ब्रेड बनवण्यासाठी सर्वप्रथम, कढईमध्ये तेल गरम करून त्यात बारीक चिरून घेतलेल्या लसूण पाकळ्या लालसर होईपर्यंत भाजा.
• त्यानंतर थंड झालेली लसूण चमच्याने मॅश करून घ्या. त्यानंतर त्यात बटर, हिरवी मिरची, चिली फ्लेक्स, ओरेगॅनो घालून पेस्ट तयार करा.
• तयार करून घेतलेले लसूणचे मिश्रण पावावर लावून घ्या. पॅनमध्ये बटर टाकून त्यावर पाव ठेवा आणि वरून चिली फ्लेक्स आणि ओरेगॅनो, चीज टाकून मंद आचेवर ५ ते ७ मिनिटं कुरकुरीत होईपर्यंत भाजा.
• तयार आहे सोप्या पद्धतीमध्ये बनवलेले चविष्ट गार्लिक ब्रेड.