आता गोड खा, कोणत्याही गिल्टशिवाय… साखर-मैद्याशिवाय घरी बनवा प्रोटीन-रिच ‘ब्राउनी’, शेफने शेअर केली रेसिपी

Protein Rich Browine Recipe : ब्राउनी खायला कुणाला आवडत नाही. पण गोड म्हटलं की, मनात हेल्थचा विचार येतोच. आता विचार सोडा, थेट कोणत्याही गिल्टशिवाय बनवा आरोग्यदायी पण तितकीच रुचकर अशी चॉकलेट ब्राउनी.

(फोटो सौजन्य: Pinterest)

Follow Us:

Follow Us:

• ब्राउनी हा एक फेमस डेसर्टचा प्रकार आहे. लहानांपासून मोठ्यांपर्यंत सर्वांनाच हा पदार्थ फार आवडतो.
• हा पदार्थ चवीला रुचकर असला तरी आपल्या आरोग्यासाठी चांगले ठरत नाही, शुगर वाढणार, वजन वाढणार म्हणून ब्राउनी फार जास्त खाल्ली जात नाही.
• पण तुम्हाला माहिती आहे का? तुम्ही घरच्या घरी आता एक हेल्दी पण टेस्टी अशी ब्राउनी तयार करू शकता.

Recipe : उरलेल्या शिळ्या डाळीपासून बनवता येतील चटकदार अन् खमंग पराठे, एकदा खाल तर पुन्हा बनवाल

ही ब्राउनी विशेषतः त्या लोकांसाठी योग्य आहे ज्यांना ग्लूटेनची समस्या आहे किंवा जे फिटनेस फ्रीक आहेत. प्रोटीनचा समावेश असल्यामुळे ही ब्राउनी तुम्ही अगदी गिल्ट-फ्री खाऊ शकता. चला तर मग जाणून घेऊया या हेल्दी ब्राउनीची सोपी आणि स्वादिष्ट रेसिपी.

साहित्य

• कोकोनट पीठ
• कोकोनट पीठ
• बदामाचे पीठ
• मंक फ्रूट पावडर
• चॉकलेट चिप्स
• कोकोनट ऑइल
• अंडी
• ग्रीक योगर्ट
• प्रोटीन पावडर
• सजावटीसाठी थोडेसे अक्रोड

 

View this post on Instagram

 

A post shared by HRX (@hrxbrand)

पाहतच क्षणी सुटेल तोंडाला पाणी! हिरव्यागार मिरच्यांपासून झटपट बनवा झणझणीत चवीचे लोणचं, नोट करून घ्या रेसिपी

कृती 

• सर्वप्रथम एका भांड्यात बदामाचे पीठ आणि कोकोनट पीठ एकत्र करून घ्या. त्यामध्ये मंक फ्रूट पावडर घालून नीट मिसळा आणि हा ड्राय प्रीमिक्स बाजूला ठेवा.
• आता दुसऱ्या भांड्यात चॉकलेट चिप्स आणि कोकोनट ऑइल घ्या. हे मिश्रण डबल बॉयलर पद्धतीने मंद आचेवर गरम करा. चॉकलेट पूर्णपणे वितळून स्मूद होईपर्यंत हलवत राहा. गाठी राहणार नाहीत याची काळजी घ्या.
• त्यानंतर एका वेगळ्या बाउलमध्ये अंडी फोडून घ्या आणि त्यात ग्रीक योगर्ट घाला. हे मिश्रण चांगले फेटून घ्या.
• आता त्यात वितळवलेले चॉकलेट आणि कोकोनट ऑइलचे मिश्रण घाला आणि पुन्हा नीट मिसळा.
• हे मिश्रण एकजीव झाल्यावर त्यात आधी तयार केलेला बदाम आणि कोकोनट पिठाचा प्रीमिक्स घाला. सर्व साहित्य हलक्या हाताने मिसळा. यानंतर प्रोटीन पावडर घालून पुन्हा एकदा मिश्रण नीट एकत्र करा, जेणेकरून ब्राउनी अधिक पोषक बनेल.
• आता बेकिंग मोल्ड घ्या. त्यात पार्चमेंट पेपर अंथरा आणि थोडेसे बटर किंवा तेल लावून ग्रीस करा. तयार केलेले ब्राउनी मिश्रण मोल्डमध्ये ओता. मोल्ड टेबलवर दोन-तीन वेळा हलकेच आपटून घ्या, त्यामुळे आत अडकलेली हवा बाहेर निघून जाईल आणि ब्राउनी व्यवस्थित सेट होईल.
• सजावटीसाठी अक्रोडाचे छोटे तुकडे करून ते ब्राउनी मिश्रणाच्या वर पसरवा. यामुळे चव आणि टेक्स्चर दोन्ही वाढतात.
• आता ही ब्राउनी 170 अंश सेल्सियस तापमानावर ओव्हनमध्ये बेक करा. साधारण वीस मिनिटांनंतर ब्राउनी तपासून पहा. आत थोडीशी ओलसर वाटत असेल तर अजून काही मिनिटे बेक करा. पूर्णपणे सुकवू नका, कारण ब्राउनीची खरी मजा तिच्या मऊपणातच असते.
• ओव्हनमधून बाहेर काढल्यानंतर थोडा वेळ थंड होऊ द्या आणि मग तुकडे करून सर्व्ह करा. ही ग्लूटेन फ्री, शुगर फ्री आणि प्रोटीन रिच ब्राउनी चवीला तर अप्रतिम लागतेच, शिवाय आरोग्याचीही काळजी घेते.

Web Title: No sugar no maida make protein rich brownie at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com