सावधान! वर्षानुवर्षे वापरलेली जुनी उशी ठरते आजरांचे माहेरघर; वेळेवर बदला नाहीतर आरोग्यावर होऊ शकतो परिणाम

Pillow Tips : झोपेसाठी वापरली जाणारी उशी, आपल्या आरोग्यासाठी धोक्याचे कारण बनू शकते. उशीच्या टाईपनुसार तिला काही वर्षांनंतर बदलण्याची वेळ असते यावेळेत जर तिला बदललं नाही तर त्याचा वापर अनेक आजारांना आमंत्रण देऊ शकतो.

• जुनी उशी मानेचा त्रास, डोकेदुखी आणि चुकीची झोप यास कारणीभूत ठरू शकते.
• उशीमध्ये धूळ, घाम आणि मृत त्वचा साचल्याने ॲलर्जी व श्वसनाचे आजार वाढू शकतात.
• साधारण २-३ वर्षांनी उशी बदलणे गरजेचे असून मटेरियलनुसार तिचे आयुष्य वेगवेगळे असते.

बदलत्या जीवनशैलीत आजाराचे प्रमाण देखील झपाट्याने वाढत आहे. यासाठी कारणीभूत फक्त वातावरणातील बदल नाही तर आपल्या आयुष्यातील काही शुल्लक चुका देखील आहेत. रोजच्या जीवनात वापरत असलेल्या अनेक गोष्टी आजारांचा धोका घेऊन तुमच्याशी गळाभेट करत असतात. यातीलच एक म्हणजे तुमची रोज वापरत असलेली उशी. झोपण्यासाठी अधिकतर याचा वापर केला जातो. प्रत्येकाच्या घरी उशी असते आणि तिचा नियमित वापर देखील केला जातो. पण हिच उशी तुमच्यासाठी आजारपण घेऊन येत असते हे तुम्हाला माहिती आहे का? आता विचार करा, तुमच्या घरातील उशी ही किती जुनी आहे… उत्तर नक्कीच अनेक वर्षांच मिळेल. आपल्या घरात वर्षानुवर्षे जुनी उशी आपण वापरतो कारण ती खराब झाली नाही किंवा फाटली नाही या विचाराने… पण तुम्हाला उशी बदलण्याची योग्य वेळ कोणती ते ठाऊक आहे का? चला या प्रश्नांमागचं उत्तर आणि त्यामागचं गांभीर्य जाणून घेऊया.

धोक्याची घंटा! जगात १.३ अब्ज लोक देत आहेत या आजाराला झुंज, वेळीच उपाय केले नाही तर संकट वाढणार; तज्ज्ञांचा गंभीर इशारा

उशी बदलण्याची कारणे

पाठीचा कणा ठेवते सरळ

चुकीच्या आकाराची उशी तुमच्या मानेचं किंवा डोक्याचं हाडं बिघडवू शकते. यामुळे सकाळी डोकेदुखी होणे किंवा थकवा जाणवणे अशा समस्या उद्भवू लागतात. योग्य आधार असलेल्या उशीचा वापर केल्यास ती पाठीला सरळ रेषेत ठवते.

ॲलर्जीचा त्रास

तुम्ही नियमितपणे तुमच्या घरातील उशी स्वच्छ करत असाल पण तरीही त्यावर काही प्रमाणात धूळ, मृत त्वचा आणि घाम साचलेला असतो. यामुळे दमा, छातीत वेदना होणे आणि डोळ्यांमध्ये जळजळ निर्माण होणे अशा समस्या निर्माण होऊ शकतात.

झोपेसाठी मदत

तुम्ही जर वेळोवेळी उशी बदलली आणि चांगली उशी खरेदी केली तर त्याचा तुमच्या झोपेच्या गुणवत्तेवर परिणाम होऊ शकतो. योग्य आधार देणारी उशी निवडल्याने तुम्हाला अधिक आरामदायी झोप लागण्यास आणि झोपेत कुशी बदलण्यापासून रोखण्यास मदत होते.

आई-बाबा बनण्यात अडचण? इनफर्टिलिटीवर मात करण्यासाठी ही 6 ‘कपल योगासने’ ठरतील रामबाण उपाय

उशी बदलण्याची योग्य वेळ कोणती?

साधारण प्रत्येक उशीला दर दोन ते तीन वर्षांनी बदलले पाहिजे. बऱ्याचदा उशीच्या मटेरियलवर आणि काळजीवर अवलंबून असते. मटेरियलनुसार, उशीचे आयुष्यमान खालीलप्रमाणे असते:

पॉलिस्टर किंवा फायबरफिल: या उशा लवकर खराब होण्याची शक्यता असते. या उशा तुमच्या घरात असल्यास दर १२-१८ महिन्यांनी त्यांना बदलणे उत्तम ठरेल. जास्त काळ यांचा वापर केल्याने आरोग्याच्या समस्या वाढू शकतात.

मेमरी फोम: या उशा दिर्घकाळ चांगल्या टिकून राहू शकतात. ज्यामुळे ३-४ वर्षे तुम्ही आरामात यांचा वापर करु शकता.

लेटेक्स: ही उशी सर्वात टिकाऊ मानली जाते. ती ३-४ वर्षांनंतरही खराब होत नाही. पण उशीची वेळोवेळी स्वच्छता करणेही गरजेचे आहे हे लक्षात ठेवा.

हे देखील लक्षात ठेवा की, सर्व उशा या धुण्यायोग्य नसतात. बहुतेक उशा या धुण्याच्या पर्यायासह येतात पण मेमरी फोम आणि लेटेक्सच्या उशा सहसा पूर्णपणे धुण्यासाठी नाही तर फक्त डाग काढण्यासाठीच असतात.