जेवणासाठीचा मसालेदार मेन्यू! घरी बनवून तर पहा पंजाबी स्टाईल चमचमीत छोले भटुरे

मसालेदार छोले अन् त्याच्यासोबत कुरकुरीत भटुरे यांचे कॉम्बिनेशन चवीला एकदम झक्कास लागतंय... जेवणासाठी काही चविष्ट बनवण्याचा विचार करत असाल तर आजच ही रेसिपी नोट करा.

जेवणासाठी तेच तेच बनवून खाल्लं की एका क्षणी त्या बोरिंग जेवणाचा कंटाळा येऊ लागतो आणि काहीतरी नवीन चवदार खाण्याची इच्छा होऊ लागते. म्हणूनच आज आम्ही तुमच्यासाठी जेवणाचा एक खास आणि मसालेदार मेन्यू घेऊन आलो आहोत ज्याने घरातील सर्वच मंडळी होतील खुश. आज आपण जाणून घेणार आहोत पंजाबी स्टाईल छोले भटुरेची एक सोपी आणि चविष्ट रेसिपी!

Ganesh Chaturthi 2025 : लाडक्या बाप्पाच्या प्रसादाची सर्वांना पडेल भुरळ; यंदा घरी बनवा रेड वेलवेट मोदक

भारतीय पाककृतीत पंजाबी पदार्थांची चव वेगळीच असते. त्यातही छोले भटुरे हा पदार्थ धाब्यावर खाल्ला की त्याची मजा काही औरच! मसालेदार छोले, त्यावर घातलेले कांदा-लिंबू आणि सोबत गरमागरम फुगलेले भटुरे – असा भन्नाट कॉम्बिनेशन सकाळच्या नाश्त्याला किंवा खास जेवणात खाल्लं की मन तृप्त होतं. चला तर मग, धाबा स्टाईल छोले भटुरे कसे बनवायचे ते पाहूया.

साहित्य :

छोले साठी –

• काबुली चणे – २ कप (रात्रभर भिजवलेले)
• कांदा – २ मध्यम (बारीक चिरलेले)
• टोमॅटो – २ मोठे (पेस्ट करून)
• आलं-लसूण पेस्ट – १ टेबलस्पून
• हिरवी मिरची – २ (चिरलेली)
• चहा पत्ती – १ टेबलस्पून (कापडात बांधून)
• तेल – ३ टेबलस्पून
• हिंग – चिमूटभर
• जिरे – १ टीस्पून
• धने पूड – २ टीस्पून
• गरम मसाला – १ टीस्पून
• लाल तिखट – १ टेबलस्पून
• चाट मसाला – १ टीस्पून
• मीठ – चवीनुसार
• कोथिंबीर – सजावटीसाठी

भटुरे साठी –

• मैदा – २ कप
• रवा – २ टेबलस्पून
• दही – ½ कप
• बेकिंग पावडर – ½ टीस्पून
• बेकिंग सोडा – ¼ टीस्पून
• मीठ – चवीनुसार
• तेल – १ टेबलस्पून (आटवण्यासाठी)
• पाणी – आवश्यकतेनुसार
• तळण्यासाठी तेल

रोजच्या वरण-भाताची वाढेल सुंदर चव! १५ मिनिटांमध्ये घरी बनवा ढाबास्टाईल दाल फ्राय, नोट करा रेसिपी

कृती :

छोले बनवण्यासाठी –

• यासाठी सर्वप्रथम भिजवलेले काबुली चणे प्रेशर कुकरमध्ये चहा पत्तीचे पोटळं टाकून शिजवून घ्या.
• कढईत तेल गरम करून त्यात जिरे, हिंग, हिरवी मिरची व आलं-लसूण पेस्ट टाकून परता.
• कांदा सोनेरी होईपर्यंत परतून घ्या आणि नंतर टोमॅटो पेस्ट टाका.
• मसाले (धने पूड, लाल तिखट, गरम मसाला, चाट मसाला) घालून छान परता.
• उकडलेले चणे मसाल्यात घालून ५-७ मिनिटे झाकून ठेवा.
• वरून कोथिंबीर टाकून गॅस बंद करा.

भटुरे बनवण्यासाठी –

• यासाठी सर्वप्रथम मोठ्या भांड्यात मैदा, रवा, दही, बेकिंग पावडर, बेकिंग सोडा, मीठ आणि तेल एकत्र करा.
• पाणी घालून मऊसर पीठ भिजवा. झाकून २ तास ठेवा.
• पीठाचे छोटे गोळे करून पोळीसारखे लाटून घ्या.
• कढईत तेल गरम करून भटुरे फुगवून सोनेरी रंग येईपर्यंत तळा.
• गरमागरम धाबा स्टाईल छोले प्लेटमध्ये वाढा, वरून कांदा व लिंबाच्या फोडी ठेवा आणि सोबत फुगलेले गरम भटुरे द्या.

FAQs (संबंधित प्रश्न)

छोले भटुरेसोबत काय खाऊ शकतो?
छोले भटुरे साईड डिशेससोबत खाण्यास आणखीन चवदार लागतात. तुम्ही ते विविध प्रकारचे लोणचे, कांदा किंवा मसालेदार चटणीसोबत खाण्यासाठी सर्व्ह करू शकता.

छोले भटुरेसाठी कोणता चणा वापरला जातो?
यासाठी कबुली चण्याचा वापर केला जातो.